是咁的，照顧過我嘅護士死咗: 四十八、無未來可言
本身仲想讚埋阿連無當住林林面話佢臭雞。佢直情就好似啲網民咁，淨係背後話人。
曾經睇過條片，搵咗啲網絡欺凌者同受害者出嚟，叫欺凌者兜口兜面講返喺網上講過嘅辱罵，其實好多都講唔出口。
但阿連咁都係好事，如果佢真係直接鬧林林，我估我地嘅友情亦到此為止。
雖然我諗咗好多野，但都無講出口，因為轉化唔到做語言，滿腦子都係「表白」兩隻字。
唉，就算我表白鍾意林林，咁又點呢？
依個世界又唔係你鍾意人人地就會鍾意你。
林林係護士，幾皮一個月，而我係政府部門嘅廢紙切碎員，皮幾一個月，個地位差距太大。
加上我又唔係正常人，就算千萬份之一個機會一齊到，我地都無未來可言。