是咁的，照顧過我嘅護士死咗: 四十七、自卑

我地隨住人龍慢慢向前。

「要做唔係都做到咩？」

「做乜？」

「同人講唔該呀。」

「咁你鍾意佢架嘛，我唔通倒你米咩。」

「我無鍾意佢囉。」依家變咗我尷尬。

「收皮啦，你塊面成個含春樣出哂嚟喇。你夠膽就發誓唔係鍾意佢。」

「何以見得？」

「你自己唔知架咩？已經好多次同我出街嗰陣狂講依條女喇喎？你係鍾意人嘅，就表白啦。」

唔知點解講開依啲男女情愛嘅話題，尤其係表白依啲，我就不知不覺自卑起嚟。