是咁的，照顧過我嘅護士死咗: 五十一、小花園

我約咗女神放學喺校內一個小花園等，小花園種咗好多叫唔出名嘅花。

花香處處，蜜蜂吸緊花蜜，蝴蝶翩翩飛舞。

我喺花園中心，等到女神過嚟。

「我鍾意你，請你比個機會我同你一齊丫！」

女神都未有反應，花園周圍突然傳出一陣爆笑聲，樓梯口之類嘅暗角湧出一班睇熱鬧嘅同學，有男有女。

女神都嚇咗一跳，無諗過有咁多人，即刻問佢姐妹：「做乜帶咁多人嚟呀？」

「佢地個個都想睇丫嘛。」

「你揚哂出去？」女神個樣好委屈，好似眼濕濕咁。