是咁的，照顧過我嘅護士死咗: 五十三、得我一個

我成日都聽到自己骨折嘅聲音，一直唔知心碎嘅聲音係點。

原來一啲聲都無，但又好似有核彈喺耳內爆炸過咁。

之後我就耳鳴，無再睇到圍住我跳嘅人嘅笑聲，亦無再聽到佢地讀我封情信嘅聲音。

情信化成紙碎，好似入葬前向天空撒放嘅溪錢。

送葬隊圍住死亡嘅心臟唱歌跳舞，狂歡慶祝。

眾人喺我眼前舉行慶典，得我一個，不得其門而入。