是咁的，照顧過我嘅護士死咗: 五十五、唯一一個

「喂薯片。」

我開有返啲意願，係因為聽到一把熟悉嘅女聲。

同埋唯一一個，我唔討厭嘅花名。

被學校留堂嘅十八子坽住淋花器行過嚟小花園。

「點解你喺度嘅？你又比人罰淋花咩？」





十八子行到花園。

「薯片！」見我無反應，十八子又大大聲嗌我一次。

之後佢終於見到我面上嘅幾塊紙碎，又睇下地上嘅情況，好似估得到我發生咩事。

十八子放低淋花器，幫我摵走面上嘅紙，再執好地上嘅紙碎，順便掃埋隻蝴蝶上手。

十八子將佢地掉入垃圾筒，再用淋花器啲水洗手，然後對我奸笑，之後就用我見校服嚟抹手。





佢以為我會反抗，但我無。

「唓，唔好玩嘅。」