是咁的，照顧過我嘅護士死咗: 五十七、朱古力

完成工作嘅十八子伸一伸懶腰：「呼～搞掂！」

佢擰向我，表情似係有少少嚇親。

佢後來話我知，嗰陣係第一次見到我成面眼淚，所以打咗但突。

「薯片？」

「啊⋯⋯係你呀零食妹。」





「好咯你靈魂出完竅喇！送份禮物比你賀你返嚟先！」

十八子塞咗粒朱古力入我口。

好甜，好甜嘅朱古力。

明明好甜，但甜蜜竟然唔知刺激到我咩神經，我大大聲咁喊咗出嚟。

「好好好⋯⋯噓噓噓⋯⋯乖乖乖。」





十八子將我輕輕抱住，佢好驚一用力就會整傷我，所以真係好輕力、好溫柔。