是咁的，照顧過我嘅護士死咗: 六十三、唔通你……

幫手剪完雜草之後，我同十八子坐喺木凳上面，佢對腳輕鬆咁搖搖下。

拆開雪條包裝紙，佢就即刻咬咗啖：「嗯～好味！」

「⋯⋯多⋯⋯」

我都未講完，十八子已經閘斷我：「啲講完出口會搞到下次見面尷尬嘅說話就咪講喇。」

「哦。」

佢食雪條食到吮吮聲，搞到我有啲唔好意思。

為咗分散注意力，我問咗個令我疑惑咗好耐嘅問題。

「其實⋯⋯你點解要咁幫我？」

十八子好專心咁舐枝雪條，無望我，可能係覺得難為情。
唔通鍾意我？

「唔通你⋯⋯鍾⋯鍾意我？」