是咁的，照顧過我嘅護士死咗: 六十四、明明睇落一樣

十八子擘大個口，呆咗：「你知唔知毒撚最忌係乜？」

「有自信。嗯，明哂。」

我以後都唔會自作多情架喇⋯⋯

但唔係鍾意我，又點解要幫我幫到依個份上呢？

「你係我朋友丫嘛，幫你都好應該啫。」





十八子食完雪條，但仍然咬住枝木棍，佢依個樣都幾可愛。

「同埋我細個嗰時，試過骨折。」

依個我都係第一次聽。

十八子輕輕拉起我隻手掌，仔細咁觀察：「我好記得，好痛好痛。明明無傷口，但都好痛。擦傷流血都話有啲野比外人見到，但骨折唔會睇得到，所以只可以自己一路忍住。」

佢將自己隻手掌放喺我旁邊比較。





「明明睇落都一樣，點解你啲骨會同我唔同呢？」