是咁的，照顧過我嘅護士死咗: 七十、中大、港大、浸大

結果我同十八子坐到日落，薯片食哂，眼前嘅花園依舊無花開過。

「起碼都要等多半個月。」

十八子都好清楚，要今日內等到一朵早開嘅花，根本無可能。

「我只係想喺道別嘅時候，會有花陪下我啫⋯⋯」

我見佢仍然好失落，決定安慰佢。





「咁啦，你大學畢業嗰陣，我送花比你丫。」

「真嘅？」

「真。不過你入到大學先算啦！」

「唓！睇死我呀？我依家成績不知幾好呀！」

「咪又係差過我！」





「哼，我實入中大！」

「咁我實入港大！」

順帶一提，最後十八子入咗中大，我係入浸大⋯⋯

（不定期不定量更新，請點追故=）