「天黑喇。」

日落嘅夕陽好短暫,十八子終於起身想走。

我拎出喺課室偷偷攞走嘅白板筆:「簽個名丫?」

「好呀。」佢搶走我枝筆,叫我擰轉身。

十八子喺我後面寫咗啲唔知乜野,係一句橫跨我背脊嘅句子。





「搞掂!」

我轉返身,想拎返枝筆幫十八子簽。

「咦?枝筆呢?」

「我扔咗出去喇。」佢指扔咗去花園嘅圍牆外面。

「吓?搞錯呀,咁我點幫你簽呀?」





「唔使啦。」

「要架!話哂都最後一日丫嘛!你等等我返班房再拎。」

我急步走開,因為唔跑得,所以已經係最高速。走咗唔夠幾步,十八子就叫住我。

「喂!薯片!」

「吓?」





「畢業快樂。」

「畢業快樂呀。你等等我,好快返!」