是咁的，照顧過我嘅護士死咗: 七十四、校服背面

返屋企嘅成段路，我個心都唔係好舒服。

我唔知點解會唔舒服，係因為見到十八子同男朋友一齊走？

嘩，如果我係因為咁唔舒服，推論落去咪即係我鍾意十八子？

唔得喎咁。

等我諗下仲有無咩理由先⋯⋯





啊，係喇，因為佢無幫我影向學校揮手嘅相，只係因為咁啫。

到我返到屋企，已經無再深究自己嘅情緒喺邊度嚟。

我喺廁所除低校服，如無意外應該係最後一次放學之後除校服。

喺背面，有十八子用白板筆寫嘅句子。

「薯片：  





雖然我無影到揮手相，但我有簽名。十八子雖然影咗揮手相，但無我簽名。所以，打和啦super！