「你先走吧。」佢同大叔講,比咗張紙巾佢。

大叔拎完,點點頭,就走咗。

我全程睥實佢,大叔當然都睥返我轉頭。

「底咩呀底?」

林林即刻攝入我地兩個之間:「佢唔睇架喇,你快啲返上去啦。」





大叔好似好聽林林話咁,但都仲係狠狠咁睥多我一眼先走。

我環境周圍,見到石凳上面有個未開過嘅百變怪飯盒,應該係林林嘅。

林林擰向我,叉起腰:「你做咩咁睥住人呀?」

「佢上次想打你架嘛,點知今次佢想點喎。」

「有心喇,我無事呀。」





林楚望一望手機嘅時間,嚇咗一跳:「夠鐘喇?死喇死喇。」

林林拎返個飯盒就想走。

「咪住呀!」

「點呀?我夠鐘喇。」

「啱啱做咩?」





「遲啲同你講。」

「咁我等你放工。」

「我有排喎。」

「我等。」

「好啦你慢慢。」

之後林林就急急腳返咗入醫院。