是咁的，照顧過我嘅護士死咗: 一百零四、調戲
我已經唔止一次親眼見到十八子喺酒吧同餐廳抄人牌，技巧之熟練令人嘆為觀止。
我就一定今世都無可能周街抄到人牌，除非投胎。
大佬，咁靚嘅女仔主動問你拎電話，只要個生殖器官係健全的話都會取代大腦控制啲手指打八個數字出嚟。
到個侍應送餐過嚟，十八子就出手。
「喂。」
個侍應可能同我一樣係毒撚（靚仔版），聽到十八子叫佢都唔敢應，拎餐嘅手有啲震，耳仔好紅。
「喂，叫你呀。」
怕醜侍應終於應：「吓⋯⋯吓？」
十八子微笑：「你啱啱偷望我呀？」
「啊⋯⋯唔好意思呀⋯⋯我無心架⋯⋯」