「我明白如果仔女係有殘疾,的確無得要求叫啲父母負責任,因為就算係我我都未必可以好大聲咁話自己有勇氣照顧佢地一世。」

照顧仔女,需要一世嘅勇氣。

放棄仔女,只需要一時嘅勇氣。

邊個困難啲,不言自明。人類都係捨難取易嘅動物,大多數家長會點揀,並唔係太難推測。

「我親眼嘅觀察係,香港人喺比例上,唔要仔女嘅數目的確係少啲。」





依一點我有所保留,因為香港本來就少人生仔,加上人口底數無大陸人多,所以造成咁嘅現象一啲都唔出奇。

依個係理性同客觀上嘅解釋。

但睇嚟十八子認為就將香港人口放大去計算,放棄仔女嘅香港家長仍然會少過大陸家長。

因為大陸家長有一個更加純粹嘅抛棄理由。

「只係因為生出嚟嘅,係女仔。」





根深蒂固嘅傳統觀念,所產生嘅悲劇。

「唔係,係人為造成嘅悲劇。」