是咁的，照顧過我嘅護士死咗: 一百一十六、事實

十八子做孤兒院嘅日子當中，所接收嘅健全嬰兒多數係大陸人生嘅細路女。

而願意領養嘅父母，以外國人比例最多。

香港人嘅棄養同領養數目都係中中挺挺，可能因為華人對領養嘅接受程度仍然未算太高。

一切都只係事實。

但就因為大陸人會純粹因為生咗個女就抛棄，依個原因令十八子有強烈嘅厭惡感。

我硬係凝住凝住同佢本身嘅某啲經歷有關，不過佢依舊無打算講我知。