雖然我屋企唔係有錢,但請女仔食幾廿蚊野都仲請得起嘅。

「唔該埋單。」

依個時候我先發現場內嘅侍應當中唔見咗大雄。

無耐喺我背後就傳嚟索鼻水嘅聲音,我企起身一睇,原來大雄坐咗喺我正後方嘅卡位,放緊飯。

佢眼濕濕咁扒埋最後啖飯,就準備繼續做野。





「你無野丫嘛?」

大雄嚇一嚇,好驚青咁望住我。

「無⋯⋯無。」之後就閃咗返廚房。

好似嗰啲喺公園嘅貓仔咁。

睇個款似係啱啱坐喺我後面嗰陣,聽到十八子嘅過去。