是咁的，照顧過我嘅護士死咗: 一百四十一、覺悟
「我知道要令嬰兒夭折率下降到零幾乎無可能，就算係做得最好嘅新加坡都達成唔到。但要救多一個，再救多一個，再多一個，我覺得我做得到。」
十八子唔知望住半空嘅邊一度，好似望緊比天花板更遠嘅地方咁。
「我知救幾多個都唔及殺一個，所以就當我依家係贖罪都無所謂。」
佢嘅雙眼依舊有眼，但深處有一層常人所無嘅覺悟。
由始至終都堅持初衷，就算因為唔肯放開對原則嘅執著而被抑鬱折磨，十八子依然留咗喺度。
「就夠鐘喇，我要返去做野喇。」
佢直接起身行去搭𨋢，睇嚟無打算比錢。
𨋢門打開，十八子轉身向我單眼：「依餐你請喇，薯片。」
真係無依個女人辦法。