是咁的，照顧過我嘅護士死咗: 一百四十六、暈

我都唔知自己將全身嘅重心左右移咗幾多次之後，林林終於出現喺通往女廁嘅走廊。

每次見到佢，我就自自然然會微笑起嚟。

林林都望到我喺度，眉毛向上戚一戚，同我打招呼。

但佢同平時去廁所嘅動作有啲唔同。

平時佢總係來勢洶洶咁急步走，而佢依家係就正常步速咁行。





我兀下兀下咁行向林林：「我買咗肥⋯⋯」

話都未講完，林林腳下一軟，撞咗埋牆度。

做咩事？

肥姐同水樽跌落地，我加速兀向林林身邊。

「林林！」





啪。

佢瞓咗喺地下。