是咁的，照顧過我嘅護士死咗: 一百六十四、正常咁同我相處
德仔對我溫柔咁笑：「雖然你係個毒撚，但有時做嘅野同講嘅野又幾得人鍾意。」
無咗前面嗰句會好啲。
「比如呢？」
「比如你知道我係基嘅，都正常咁同我相處、傾計、做朋友。可能因為你可以理解身為異類嘅孤獨？脆骨症同基，其實本質上都係世人眼中嘅異常。」
其實我根本無諗咁多野，德仔又唔係難相處，我幾鍾意佢，自自然然就好平常咁相處到。
「又比如你聽到我想做乜，都無笑我。」
因為提出想改變嘅人，總係會受到外人嘅嘲笑，當佢傻仔咁睇。
不過我覺得，嘲笑人嗰群先係最應該被嘲笑嘅人。
「不過點解你想改變依度？」