其實諗返轉頭都覺得自己嗰晚好似溝女大師上身咁,好彩在我啲無經大腦嘅話語感動到林林,我先有機會送佢返去。

當然,離開醫院之前都有少少插曲。

「薯片?」

我沿聲望過去,見到另一個白衣美少女。

林林望住我:「薯片?」





我向佢點點頭:「我花名嚟。」

佢好快理解到咩意思,即刻皺眉:「咁好衰喎。」

「我無乜野嘅,慣咗架喇。」

十八子行過嚟,視線非常唔友善。

「你好⋯⋯」林林向十八子伸出手諗住打招呼。





「依個邊個嚟架?」十八子直接無視,行到好近我,扁哂嘴。

林林尷尬咁收返隻手扮搲痕。

「佢叫林林,照顧過我嘅護士嚟。話說你咁樣好無禮貌囉。」