是咁的，照顧過我嘅護士死咗: 一百七十、我警告你呀

「哼我點知呀，你同個靚女並排行仲有正常交流，咁嘅場景會出現係十級可疑囉！」

十八子仍然淨係對住我一個講野。

「毒撚配靚女喎！流動牛屎配鮮花喎！」

邊個係移動牛屎⋯⋯

「我夠成日同你並排行啦。」





「我地由細玩到大點同呀！」

「小姐你冷靜啲先。」

十八子轉向林林，視線直接盯住佢上圍。

林林嘅表情已經有啲頂佢唔順，身體微微一側，護住胸部。

「我警告你呀，薯片好毒好純品架，唔食煙唔飲酒唔蒲唔叫雞，又窮又無家底仲有奇怪病，你依種人靚聲甜波大腰幼皮膚又白屎忽又軟屬嘅超級大美人同佢一齊盞貶低自己身價架咋。」





林林呆呆咁順住十八子講嘅次序睇下自己對胸、腰同屁股，被個女仔惡死能登咁盛讚，都唔知好嬲定好笑。