是咁的，照顧過我嘅護士死咗: 一百八十八、雞蛋仔

「啊，有無興趣食啲野？橫掂嚟到，我想食品香樓，畢業之後好耐無食喇。」

以前讀浸會住呵嗰陣周不時會去品香樓。

每次都係一大班人，畢業之後好少過依邊，已經好耐無食。

唔知杯凍朱係咪仲係咁好飲呢？

「我啱啱先食完粥咋喎。」





其實我唔係真係好肚餓，只係想乘機拉林林陪多我一陣。

不過因為今次約唔成，所以我決定遲啲點都要嘗試約林林食餐晚飯。

既然佢唔肚餓，我唯有自己買野食啦。

「咁你陪我買一餅雞蛋仔吖，我當晚餐。」

林林有啲好奇：「你屋企無煮你飯？」





「我媽媽打工好忙架，好多時都係我自己搞掂。」