「咁你返到屋企咪得四面牆?」

「係架,不過慣哂。而且我同隔離左右啲鄰居玩得好埋,所以唔怕寂寞。」

點都會至少拉到阿連嚟陪我。

「喔,仲以為我地一樣㖭。」林林有少少失望。

「嗯?你都係得自己一個?」





林林兩手擺喺身後,行我前面,帶我去到雞蛋仔檔。

南山邨平台入夜嘅燈光,喺林林身前襯托佢修長嘅背影。

佢半側身回頭望向我。

「係架,不過慣哂。」

背光嘅面容,令人睇唔到佢露出咩表情。





但佢背影散發出嚟嘅孤獨感,令我有跑上前摟實佢嘅衝動。