是咁的，照顧過我嘅護士死咗: 一百九十二、可唔可以……

林林得戚咁奸笑：「有架，我今日係病人丫嘛。啊～」

「你啱啱又話我係病人，依家又到你係病人。」

「龍門任我擺，飄移境界～」

「不想放大只想放大被放大～」自然就接咗落去，林林大大聲對天笑咗出嚟。

估唔到除低白色護士制服之後嘅佢，原來會好似傻大姐咁笑法，成個應采兒咁。





見到林林工作身分以外嘅另一面，平日見唔到嘅笑顏，令我覺得佢更加可愛。

難得可以同林林喺醫院外面一齊活動，我真係好想依段時間可以無限咁延伸落去。

「咁我返去喇，我屋企係依棟咋。」佢指一指其中一梗建築。

就算無同林林有咩突破性發展，我都想就咁同佢一齊耐啲。

我真係貪心。





「林林！」

「唔？」

「可⋯⋯可唔可以陪我去多一個地方？」