林林有啲不解:「但係我屋企就喺上面咋喎。」

「喺依度附近架咋。」

佢好似無我乎咁西住面,嘆咗口氣:「又話被你送我就當還哂啲人情嘅?」

一見到林西面嘆氣,我即刻諗返自己嘅要求係咪過咗火。

咁又係嘅,送到人地返屋企又要買野食又要去多個地方,比著我都煩。





「啊⋯⋯由佢啦⋯⋯」

作為一個毒撚,我不求林林對我有好感,但求佢唔好討厭我就夠。

我快手快腳轉身就走,但踏出一步之後,林林出現喺我身邊。

「去咩地方呀?」

突如其來嘅驚喜令我大腦空白咗一秒。





係喇,每次林林都係咁,我買咗小食畀佢嗰陣都會西面同反我白眼話好忙,但每次都會不厭其煩咁食我買畀佢嘅野。

「我想去彩虹橋。」

「呃。」林林有少少愕然。