是咁的，照顧過我嘅護士死咗: 二百一十五、發火
「你聽都唔聽，咩都唔了解就未審先判個世界係點，所以你咪成日被女飛囉！」
被我講中痛處嘅阿連擘大口呆咗。
「唔好諗住你認為嘅世界就係真實世界啦，你啲女頂你唔順就係因為你自大口臭同埋心底深處真係當佢地係雞啊！」
我嘅聲音令辦公室內嘅同事都望過嚟睇下咩事。
阿連谷氣到膊頭大幅度起伏，但忍耐咗五秒之後，佢就夾硬將啖氣呑返落肚。
「⋯⋯你要送畫，就寫埋情書一齊送啦。」阿連轉移話題，耷低頭，睇落有啲慚愧。
阿連話過，佢讀書唔夠我多，所以我講嘅野通常都比佢更正確。
亦因為咁，每次我一發火，阿連都會認真反省。
「睇得出你好鍾意佢嘅。」
阿連輕輕拍我膊頭：「加油啦。」講完就連人帶凳跣返埋位。