是咁的，照顧過我嘅護士死咗: 二百四十三、腋下美白療程

平時嘅我喺星期六日依啲假期，一定唔會浪費每一分每一秒嚟hea、煲劇同唔知做乜。

但係今日，我竟然對睇劇興致缺缺。

唔係話完全唔想睇，只係心入面有個念頭就係覺得與其睇片倒不如用嚟畫下畫仲好。

於是我的起心肝返房，為草圖勾線。

我不時會望下林林有無上線，我算睇得密，但佢都係一直無出現過，睇嚟又係瞓到天荒地老。





直到夜晚，阿連嚟拍我門。

「兄弟！陪我飲酒！」睇佢個樣又係受情傷嚟，但佢應該未咁快有新戀情架喎。

「你又搞咩嚟呀？」

「我玩交友app被美容雞呃啊！」

「咁大鑊？」





阿連一野舉手現出格甩底，雪白無瑕：「我仲簽咗廿四期腋下亮白療程呀！」

「幾時嘅事？」

「⋯⋯琴日。」

「唔怪得你唔陪我覆診啦！」

阿連雙手合十，痛哭流涕：「求下你，陪我發洩下⋯⋯」





見佢咁可憐，我唯有唔搞幅畫住，陪咗佢先啦。