紙言

是咁的，照顧過我嘅護士死咗: 二百六十七、如果你有咩事





依家媽媽仍然好努力做野，主要都係想儲多個錢。

始終唔知我個病幾時又要錢醫，所以未雨綢繆佢會覺得有多啲安全感。

媽媽已經捱過咗最痛苦嘅階段，或者因為咁，佢先理解唔係咁容易捱得過。

「如果支撐住自己嘅野無咗，即係如果當年你有咩事的話，我諗我都一樣捱唔落去。所以，我明白你個朋友點解會咁選擇。」

媽媽撫摸我額前嘅頭髮：「你攰喇，好好瞓一覺先啦。等隻眼休息夠，起身再喊過，會爽啲架。」





我點點頭，眼皮隨媽媽嘅輕撫變得沈重，直至合上。