是咁的，照顧過我嘅護士死咗: 二百六十八、林林被捕

起身嗰陣，意識仲係模模糊糊，但手機嘅震動令我無得懶床。

「喂？」

「喂請問係咪魏牘金先生？」男人聲？

「係邊位。」

「依度差館打嚟嘅，柳穎林小姐被我地拘留緊，佢話聯絡你嚟幫佢保釋。」





我發緊夢定聽錯？我用力揑自己大脾，痛喎，即係清醒啦。

「唔好意思，請問林林發生咩事呀？」

「佢喺廣華醫院打人。點樣？你會唔會嚟保釋？」

「會！會！地址呢？」

我記低咗差館地址就即刻出門，由於媽媽瞓咗，所以我要盡量輕手輕腳咁偷走。





林林⋯⋯你搞乜鬼呀？