是咁的，照顧過我嘅護士死咗: 二百六十九、憤怒

趕到去差館，即刻幫林林搞保釋手續。

喺報案室度，我仲見到用冰敷面嘅大籮落緊口供。

無幾耐，我就接咗林林離開差館。

「唔好意思呀，麻煩到你。大家姐唔肯嚟差館。」

相隔一日，林林嘅悲傷好似已經無哂咁。





「唔緊要呀。係呢，點解大籮會喺度嘅？」

提到「大籮」，林林眼神一變，好似一隻餓咗幾日嘅獅子咁。

依刻我先知道佢嘅悲傷，原來轉化咗為憤怒。

「我摑咗佢幾巴。」

見大籮嘅傷勢睇嚟唔止幾巴。





由於林林失哂控，以致要搵警察處理，最後就將佢地帶咗返嚟。

聽講如果大籮繼續追究責任，警方有機會起訴林林普通襲擊罪。