是咁的，照顧過我嘅護士死咗: 二百九十五、無出色

「教過你幾多次，幾辛苦都要頂住架嘛，只有廢柴先會自殺架咋。」

我都唔知德媽係抱住咩心態講依番說話，當中比較容易聽得出嘅係憤怒，但實際上亦隱含悲傷。

始終，都係自己個仔。

「⋯⋯成世，都係咁無出色。」

林林取代我，向前行出一步：「唔係架。」





德媽回頭望向林林，佢靠近林林，表情帶有敵意。

「咁你講吖，個衰仔究竟有乜出色？」

林林無回答，只係靜靜挺胸對住德媽。

在場零星嘅幾人都唔敢出聲，只見佢地兩個之間嘅空氣慢慢凝結，變成劍拔弩張嘅氛圍。

連道士都停止唸經，現場頓時一片死寂。





燭火嘅德仔嘅遺照前搖曳。