是咁的，照顧過我嘅護士死咗: 二百九十六、多謝德哥哥照顧我！

「係依度喇！」突然間，一把小朋友嘅聲音打破現場嘅寂靜。

「你唔好跑呀。」小朋友嘅爸爸喺後面跟嚟。個細路拎住紮花，喺我地之間旁若無人咁穿過，行到德仔面前。

「爸爸快啲啦！」

佢爸爸喺後面同我地講唔好意思，慢慢去到個仔旁邊，佢兩個仔德仔三鞠躬。

個爸爸由外貌推測，問德媽：「你係⋯⋯林護士嘅媽咪？」





德媽個樣都半隻清潔龍咁，鼻哥窿好大，所以好易認，話唔係兩母子都無人信。

無等佢回應，個爸爸就示意小朋友，送咗紮花畀德媽。

德媽一頭霧水。

「多謝德哥哥照顧我！」

「節哀呀林太，多謝你個仔咁照顧我個仔。」





德媽本身仲燥燥地，但見到一大一細咁真誠咁多謝佢，都有啲唔好意思。

兩父子去咗我後面排隊，等待一陣最後送棺材上車嘅儀式。

德媽望住紮花。