是咁的，照顧過我嘅護士死咗: 三百四十五、撞破

「會唔會上癮架？」

「痴線邊有咁易吖！整啖啦。」

「嗰陣食煙飲酒你夠話唔會上癮啦。」

「信我啦，大家姐幾時有害過你？你食煙無咗感覺，咪試下隻勁啲架囉。真係爽到升天，你試下就知，無呃你架。」

大家姐將吸管隊向林林：「整啖啦。」

林林終於就範，張開口準備含住吸管。

「咔嚓。」

大門打開，一時之間，受驚嘅林林都唔知應該將燒紅嘅冰壺擺喺邊。

「林林⋯⋯你地⋯⋯喺度做乜野？」

平日夜晚先返屋企嘅嫲嫲，偏偏喺嗰日返咗屋企，撞破準備吸第一啖冰毒嘅林林。