是咁的，照顧過我嘅護士死咗: 三百五十七、弧

第二日，林林考完最後一科，如常去到醫院睇嫲嫲。

嗰日醫院依舊好多病人，但護士嘅人手就少咗，因為有一個姑娘請咗假。除此之外，喺病房內嘅走廊亦開多咗幾張床。

「我考哂試喇！」

嫲嫲已經痛到咩音節都發唔出，雙眼就算張開都只係得一條線。

但就算對眼只係得返一條線都好，仍然喺聽到孫女話考完試嘅同時微微彎成一道弧。





相隔幾張床嘅位置，一個病人因為情況惡化，護士圍咗埋去同佢做心肺復甦。

有護士放緊飯，仲有病房姐姐為病人逐一送餐。

醫生到場，檢查咗嗰個病人嘅情況之後，即刻話送佢入手術室。

在場嘅幾個姑娘即刻將病人抬起，一群人就衝咗出去病房外面。

病房內淨係留低咗一個派緊飯嘅姐姐，同另一個護士。





派飯姐姐叫護士幫佢頂一頂，因為太急屎就爆，於是護士就幫佢派一陣餐。