是咁的，照顧過我嘅護士死咗: 三百七十二、連狗討論區

新聞話醫管局表示唔存在追更問題，而且屬個別事件，希望巿民唔好將依件事同前線醫護人員嘅壓力拉埋一齊講。

默唸一次都覺得白癡竟然可以係記招嘅台詞，睇到火滾。

但更令我火滾嘅係喺連狗討論區，所有同林林有關嘅新聞都食幾百個負皮。

大陸雞死咗少個人搶香港資源

啲大陸人唔經唔覺已經溝淡咗我地個民族啦





又一個住公屋嘅單程證，早死早著啦

都話班大陸人唔夠資格嚟香港做醫生護士架啦，垃圾登記護士

又死隻蝗，有請小鳳姐

霸住間公屋，當香港係你屋企呀？好啦依家空返出嚟喇，唔係你就唔係你架喇

樣靚身材正喎





大陸雞不了不了


痴線做護士仲吸毒

滑完雪幫你打針，醫療事故咪咁嚟架囉

我睇唔落去，將手機掉爛咗。