是咁的，照顧過我嘅護士死咗: 四百一十一、五點五十八分
講完故事，已經五點五十七分，依個時候頭先借電話畀我嗰個女仔收到電話。
「喂？啊佢仲喺度呀，你等等。」佢交咗個電話畀我，同一時間，補給站嘅義工紛紛拎起佢地嘅對講機，睇嚟有一大堆人向佢地聯絡。
與此同時其他人亦拎出震動嘅手機，查看訊息。
「喂？」
「阿金！走呀！黑警放催淚彈呀！」
身邊嘅示威者低頭睇完手機，一齊抬頭，而防暴警察頭上亦舉起一幅大橫額，寫住「警告催淚煙」嘅黑底白字警告旗。
下午五點五十八分，幾聲巨響之後，一個小罐跌到我腳邊，白色催淚氣體頓時瀰漫四周，令視線變得白茫茫一片。
普通口罩根本抵擋唔到啲氣味，火熱灼辣嘅感覺攻上鼻喉，令淚水唔受控制咁湧出。
「咳咳咳！！！！」