是咁的，照顧過我嘅護士死咗: 四百一十、做金庸的男人
「多謝。我都希望佢無事⋯⋯我希望以後唔會再有咁多人出事，無論係病人定前線醫護人員⋯⋯但醫療體系唔改革就只會繼續令悲劇重演。我唔想再有人同我一樣，感受到依種痛苦。」
我深呼吸一口氣：「所以，就算我有脆骨症，都要企出嚟。」
聽眾當中，流最多眼淚嘅就係嗰個不停用筆記抄抄抄嘅路人相男仔。
「⋯⋯唔好意思，太感動喇。係呢，你介唔介意我將你地嘅故事寫入書？」
「噢，無問題呀。你係作家嚟？」
佢笑一笑：「唔係作家，只係個講故佬啫。點稱呼你？」
「我叫魏牘金。」
我地握手，佢好輕力，好溫柔，因為怕整傷我。
「我係做金庸的男人。」乜水？未聽過。