三國江湖: 第3章 只應天上有
P.10
第3章（只應天上有）
她長得過份美麗，樣貌如天使般純真迷人。標誌的五官，一對眼眸極具攝拍勾魂魅力，一頭清湯掛麵長黑直髮如瀑布瀉下來。皮膚像剛脫殼的雞蛋吹彈可破，無比吸引的童顏面孔，漂亮得叫人窒息！一雙修長美腿，身段高挑玲瓏。知書識禮的內在散發一種高貴優雅的味道，氣質脱俗出麈。加上無可挑剔的外形，叫人一見傾心，令人看得像入仙境遇上仙女，仙氣不散，久久不能重返人間。她！只應天上有，你的眼睛會捨不得離開她！……
直至她的美貌叫其他同學嘩然起來，才讓人重回人間！望著她就是眼睛的享受，命運沒有安排她去當明星，卻來了作育英材。
那女人吐出優美的聲音說：［大家好，我係你哋新嚟嘅班主任，同時兼任訓導主任。我叫連綺，大家可以叫我Linda，Linda Lin。我教中國歷史，另外你哋今日都有個插班生，佢叫張飛，我知你好出名，我仲睇過你段論文。但係嚟到呢度就好好讀書啦，你出嚟介紹一下自己啦。］
這時才回魂的張飛出了去：［我叫張飛，我果欄嘅，我嚟呢度係要插旗，呢支旗我就揸硬㗎啦，有咩唔妥隨時過嚟搵我。我好快會接管你哋！］全㻛一片驚訝。
Linda：［你講咩呀？］
一名同學向Linda說：［Miss！佢講黑社會呀！］
張飛：［你識唔識中文呀？阿媽畀錢你又唔讀書！果欄係買生果㗎！你係咪想玩嘢呀？你同我坐返低呀契弟！］
另外有個四眼男名叫蛇仔明說：［唔好理條撚人啦，Miss你咁索我哋放學去爆房啦！］跟住唱［shall we Bob .shall we Bob，就算牙關打震都要同我Bob……］這時張飛衝向黑板取下一支粉筆，飛快掟向四眼哥去，要教訓這學生對女神的不敬。眼鏡爆開，好利害的手力，又再震動全班。
Linda憤怒地說：［你搞乜呀？同學有乜事我一定報警。我今晚就要見你家長呀張飛！］她連忙去檢查四眼哥的傷勢，幸好只是爆了眼鏡沒有眼盲。最後各人竟然乖乖上課，當然因為Linda的美麗令同學出奇地留心上課。張飛又再進入仙境狀態，不知不覺間Linda已在教書中：［漢朝末代百多年，也由平淡轉向腐敗。中間沒有任何代表歷史的人物和戰事……就被人輕易推番，就去到晉朝……]
張飛傻傻地因她喜歡了上課，原來美人以前是教名校，但只教了一年。她認為真正有心教育的人，應該去教一些被放棄的學生，挽救他們。名校的教育精英大有人在，多她一個不多。這間垃圾學校的訓導主任，已經被黑學生恐嚇得沒人敢當。她滿腔熱誠走馬上任，是太天真嗎？但最後她真的成功了！更奇蹟地用一年時間，令垃圾學校變得提高上幾個班次追貼名校，她的魅力是當然重點，但背後究竟發生了什麼事呢？
各同學忙於籌備伏擊張飛計劃，今日放學有如風暴前的平靜。至於張飛告誡Linda，如果硬要去他住的果欄見家長，裏面混的人，品流非常複雜，會嚇怕美麗小姐，叫她不要來家訪。她就是不聽，張只好先回家等待。黃昏時她來到，一班運輸生果的紋身大漢見有大美人到訪，口花花調戲是肯定的。她很害怕，根本進不了來。
張飛剛出去迎接說：［佢嚟搵我。］ 衆人起哄。
有人說：［飛仔！你咪話所有靚女都話入嚟搵你至得㗎？ 手指罅漏啲嚟好喎！］ 這情況除了是阿嫂外，任何關係也註定會被人留難。張飛二話不說一手擁著Linda的腰間看着她，她一驚轉過頭，剛好和張飛嘴唇合上，被他輕輕淺淺吻了。Linda面也紅了。身體在抖震，不知所措，太震驚了！衆人噓聲四起。
有人說：［都唔撚好玩嘅，拍住你張飛真係次次都冇運行。］
張飛：［收嗲啦！睇咩呀睇！返去睇你阿媽生雞仔啦，成班友周身賤格，禽獸嗰啲怪獸。正一少時不讀書老來做運輸，有排你哋做呀！呢個位你哋冇撚走雞啦。望！再望叫我老竇全部（雞）撚晒你哋啦！］
衆人起哄說：［屌！冇得媾嘅，揾人出下火好過！］張飛就拖著Linda的手，尤知戀人一樣直到他家門。期間短短幾十數步腳程，她身子一直震，她憤怒到頂點！
P.11
一轉角冇人再看到時，便狠狠的一巴掌摑在張飛的臉上，五隻手指紅印清澈可見。她不其然激動得流下淚來，我見猶憐。張飛正想用手向她的臉上抹淚，她立刻張手拍開再用力摑他另一面一記耳光。他厚厚的臉皮剛好和之前的五指掌印對稱，分毫不差。Linda又再哭起來，不停的用紙巾抹嘴，那－吻真的太委屈她。
其實張飛當時只想搭他腰，裝作輕吻她的臉宣示主權，才可以保護她，不料她剛巧一轉臉就碰上他的唇。厚面皮的張飛也不作解釋，直接打破沉默：［我煮個麵俾妳食呀。］Linda未及反應他已入了屋。張飛早前雖突然暴發，但家中陳設依然簡單。沒有大興土木，他買的名錶，潮流衣服隨處放，但一些他喜愛的高達模型和軍事模型等卻整齊地用架掛起。
老張坐著家中喝酒：［妳一定係家訪嘅老師，妳好靚！］於是兩人就談起來，老張導出張飛的身世和加入黑社會的前因後果，兒子的背景、性格等等。老張對兒子的教學方法認為是（水太清則無魚，人太清則無智）好嘅應該學，壞嘅都應該知。
Linda明白到這一切，都是命運安排，現在只求可教張飛做個好人。
此時張飛已煮好三碗湯麵和幾味餸，她一嘗卻好味得吃驚，當然他在廚藝方面也下過不小苦工。飽餐一頓Linda也禮貌道謝，但不代表原諒張飛：［我要走！你唔好再送我！］她一出門口，一頭恐怖的大狗公撲來，因為真的是一頭兇猛的狼狗狗公。
張飛當然不放心跟著來，大喝：［旺財！Sit！］那狗公旺財就乖乖坐下，發出恐怖的｛湖湖｝聲響。這頭狗是張飛自少養的打狗。Linda望向張飛，是求救的眼神，她的手不其然伸出。張飛又得米，他醒目地牽著她的手送出果欄。沿途有三隻野狗跟來，發出似隨時要襲擊人類的（湖…）聲響，但相信跟着大美人來的應該全是狗公，Linda有點緊張，拖著他的手不期然越握越緊。
張飛就逗他說話：［Linda姐！雖然我真係好想日日都見到妳，不過冇乜嘢就唔好再嚟家訪。因為呢度咁邋遢，我屋企仲有老鼠呀！］Linda轉過頭來，眼神有點懼怕，保持儀態沒有叫出來。
張飛笑說：［不過妳唔使驚，我屋企仲有蛇，蛇食老鼠嘛。］Linda淺淺一笑，另一隻手忍不住輕打張飛，有點像打情罵俏的戀人。
一出門口立刻甩開他的手，再推開他，今晚真的荒唐到極點，我是一個訓導主任，竟然給學生強吻：［今晚嘅事，你當乜事都冇發生過，我冇嚟過呢度。］
張飛：［老師！你唔係諗住教啲學生講大話嗎？］
Linda激得差點又哭起來：［ 總之唔好話畀人知啦！］
張飛笑說：［連老師呀！你咁樣唔啱喎，我罸你今晚返去面壁，唸公民與道德一百次。］這句激將法，反而搏得依人回頭一笑，迷死人！
此時張飛兩位手下，軟硬擦膠兩兄弟走來。告訴張飛廟街賣生果的龍婆話冇錢交陀地，問大佬如何處理。張說過去睇睇，而她也好奇地跟過來。
龍婆說冇錢交保護費可否通融一下。
Linda正想向這吸血鬼大罵之際，張揚手製止說：［數就一定要畀，你嚟得呢度搵食，冇人可以例外，不過今個月可以責住先。咦！啲蘋果好靚喎！］ 跟住一手拿起就食，更向門生派發，典型陀地行為。但見張飛從銀包拿出三千元買生果不用找。低調放龍婆掌心，令Linda開始對他另眼相看。
忽然有街坊氣急敗壞走向龍婆：［你個孫失戀話要跳樓呀！］
P.12
龍婆大驚，張飛叫龍婆放心，就和（軟硬）跑上唐樓天台，Linda為了幫手救人也跟著來。一個戴眼鏡少年像騎馬般，騎在天臺石屎圍牆，半邊身在外。他在哭泣，哭得眼鏡起霧。
他喝道：［你哋唔好行埋嚟！］
Linda：［有事慢慢講，唔好衝動……］當時張飛另一門生青白葉上來，張飛伸一伸手說：［阿葉］。靑白葉很有默契地拿出一物件交給張，竟然是一曲尺手鎗。張飛就向四眼男狂開幾鎗，天呀！我們不是要救人嗎？你在殺人！Linda驚得差點跪低。但沒有火藥和鎗聲，原來是氣鎗。
打得四眼哥相當狼狽說：［你哋戇撚鳩㗎！我失戀要跳樓，你哋用氣鎗淝我！］
青白葉搶著說：［ 係呀！我哋係戇鳩呀！戇鳩得過你夜晚冇女陪要生要死，有人陪就唔戇鳩啦！］
張飛再補多幾槍，然後張飛把鎗拋向四眼哥腳下說：［淝我呀！］
軟擦膠：［死都夠膽啦，唔係莫疆呀！］
硬擦膠：［橫掂都死，淝完我哋先去死啦。快手啲啦！低能蟲！］
青白葉：［呢條咁嘅毒男，夠撚胆咩，返屋企睇咸片打（潺）就有佢份，肯定喺屋企打到成手成地都係潺！註定成世孤孤獨獨匿埋自瀆。］
軟硬擦膠同時唱起歌來：［Chok手！Chok出所有，彼此更自由，Chok手，其實我絕非Chok得不夠，Chok手豁出所有 ....］
眾人對四眼哥嘲笑起來，雙方距離約十五米。四眼哥正想執鎗射向張飛！
他稍作移動，從眼神、膊頭、伸手、彎腰、執鎗、提鎗、指向、描準、準備發射，就完成這套極短的兩秒鐘動作。張飛計算準確，四眼哥剛執好鎗時，張飛已極飛快的速度去到他面前，同時左手搭著鎗。連隨右手再一巴掌摑向四眼哥，打得他瞓在地上。右手已同時奪鎗指向地下的四眼哥一氣呵成，好快！好快！好俊的身手！
今晚捱了Linda兩巴掌，終於可以找人發洩。他說：［四哥你叫乜水？］ 張飛的壓場感，氣勢令人那敢不回答，［我叫阿坤。］
張飛：［哦！阿坤哥呀！］張飛收起鎗轉身就走，拋下一句：［你以後跟我呀！ 我係油麻地大飛！］ 張飛再一揚手，一直冇出聲遲了來的手下世飛扶起坤哥：［你聽晚七點上洪飛拳館搵我，我叫世飛。］
張飛這少年的確太出人意表，Linda真的要對他重新估計，忍不住問：［ 其實你個人都唔錯呀，估唔到你呢個古惑仔都算好心，咁你平時有冇扶阿婆過馬路呀？］
張：［冇呀！我扶就肯定嚇到阿婆唔敢過馬路，雖然我個樣衰啲，但我唔係賊呀！］Linda笑起來，真係靚得張飛想再來一吻。但Linda表情突然異樣立刻收起笑容，哼了一聲就走。好可愛！心想我是應該嬲你的。那一秒表情變化不經意在這二十五歲的女人，散發著少女味道，淘氣又可愛，真的叫張飛迷死。
Linda說：［唔好再送我，聽日見。］揮手就走了。
明天上課Linda好像當無事發生過，逃避張飛的眼神，有點尷尬。
而張飛當日也大禍臨頭……