三國江湖: 第4章 建立新班子

P.13

放學後有約二十個黑少年，其中五人是他的同班同學，被他用粉筆掟爆眼鏡的蛇仔明是其中一位。他們身上藏着刀，衝著張飛而來。張飛完全無懼走向前。Linda遠遠看見緊張起來！正想報警，當時還有一架輕型貨車停下，今次張飛逃得掉嗎？ 不！而且他也不打算逃。

同班的同學鳩泰和喪榮怒喝：［所有人掹刀指住張飛！打佢老母屌（系）！］張飛一聲冷笑，從校褸拿出兩支輕機鎗，向眾人埽射，他們紛紛倒下和走避。氣鎗是非法改裝過的，擁有四焦耳火力可以打爆玻璃，把黑青打得落花流水。有很多人縮在車後一角，子彈狂掃，也快去了大半。

有人說：［夠薑放低鎗出嚟打！］張說可以，有十幾人持刀衝去劈張飛，張飛用腳撩起地上的刀，用手接著瀟灑得如古代俠士。再向其中一人飛過去，準繩飛中那刻黑少年手中的刀，把他手中刀打掉，嚇得黑青們腳軟。張飛背後有人上前偷襲，他以一記虎尾腳踢飛。他根本完全不把這群廢青看在眼內，不消兩分鐘衆人全部打得訓在馬路，場面壯觀！其他不關事的同學也忍不住為他拍掌歡呼。而且他無用過刀，不想流血收場攪大件事，故意手下留情。

如果二十人同時圍住他，張飛真的不能不逃。但由於他出雙鎗退敵，令很多人中鎗躲起來。所以當張飛棄鎗後，他們又分散上前，引致張可輕易逐一擊破。他們根本毫無默契、章法、計劃，冇膽又大聲，冇功夫的烏合之衆，怪不得張飛完全無懼，只當凊理垃圾。





還有一部輕型貨車駛來停在張飛前，原來司機係牛佬，裹面有冼拿和世飛，他們在車上但早不出來幫手。到來目的只是來幫手抬起同學，因為他們對張飛太有信心，張指定把其中五人枱上貨Van，有如屍體躺在後貨蘢。張飛從書包拿出剛有來電的（大哥大）手堤電話，是Linda打來。

張飛向老師說：［唔使報警， 我會搞得掂㗎啦。我帶佢哋返去埋枱，冇事嘅。］車駛向果欄處，兩人從車尾扶同學向區內一間老牌跌打館。該師傅也是老張的手下，張飛付了已折扣的醫療費後。牛佬和世飛等五名徒弟在旁，而剛看完鐵打的五位同學，分別係鳩泰、喪榮、大麻成、龜公德。還有昨天被張飛以粉筆打爆眼鏡的蛇仔明。

張飛：［我係果欄洪飛社嘅四二六紅棍。後面五個係我啲細佬，你五個自己響朵呀。］ 五人各自報上所屬幫會和拜門大佬是誰。

張飛說：［由而家開始，我會接管呢間學校，我唔理其他同學係邊瓣，總之返咗學，就由我揸旗！所有大小事社團糾紛都要問過我先，你哋五個以後跟我，保證大魚大肉大把女。你要出位嘅，我都可以畀嘢你做。你要學功夫我可以教你，我揀你五個係覺得你哋算有種，睇得起你哋。而且喺學校算你五個背景最猛料。好啦！做兄弟定做敵人，你吔自己諗啦！］

其實張飛的統一江湖志願是講真的，首先他小試牛刀統一班房、在學校插旗、繼而到小社區、到洪飛社團、九龍區、全香港。第一步不容有失。而這五人就是全校最壞，最有勢力的五名學生。張飛一早已起了他們底，如果連這學校也辦不到，那怎可能征服整個江湖呢？









P.14

五人邊抽煙，邊考慮著自己的黑道前途。剛才有人叫埋自己大佬幫手，二十人整冶一個張飛，卻被人打得落花流水，只顧自己逃跑，不顧兄弟死活。眼前的敵人卻找人幫我醫治，而且既往不咎。張飛這新同學無論在黑道、聲望、財力、勢力、功夫和情義上，也遠勝自己的所謂大佬。最重要係張飛是合眾人之力也惹不起。

蛇仔明就第一個投城：［我要問下我大佬先。］本身蛇仔明自己也是洪飛深水埗的一份子，比較容易。其餘四人也相繼答應。





張飛一揚手：［牛哥OK啦！］ 牛佬就分別致電五人的大佬，商討轉會事宜和交利是等。牛佬安排其後再補辦入會儀式。

張飛先叫五人回家洗澡換校服，再到油麻地大排檔，他請食晚飯。其間龍婆來找張飛說，孫仔四眼坤上次跟世飛練完一堂泰拳後，就鬱鬱寡歡沉默起來。龍婆怕他又有輕生念頭，再求張飛幫他：［我只有一個孫，飛仔你可唔可以幫我睇住佢呀。］

張：［龍婆呀！我係黑社會嚟㗎！我怕會教壞你個孫。］

龍：［飛仔！黑社會都有好人壞人，我由細睇到你大，你份人唔通我唔知咩。就當佢跟你見下世面，好過連個孫都冇埋。佢父母早早病死咗，好可憐！］張飛看著龍婆那滄桑的臉，只好點頭應承。再一眼厲向世飛，有着怪責他之意，肯定你們在擂台上，欺負新來的坤哥所致。

張飛帶同軟硬擦膠去到龍婆的生果檔，只見坤哥垂頭喪氣坐著看擋，吃着白粥。眼神散渙沒有焦點，似給人點了穴如石像沒兩樣，情況嚴重。

張飛輕輕的踏著坤哥膊頭：［我唔想睇到我朋友食啲咁嘅嘢！跟我走！］一句又關懷又豪氣的說話，坤哥眼神充滿感激，眼帶淚光。心想我有資格做你的朋友嗎？我真的可以追隨你嗎？你的能力令我自卑，但你並沒有放棄我。

坤哥於是跟著張飛前往大排檔吃飯，問坤哥尋死的始末。原來坤哥鍾情一位鄰家女孩，但他一向只能做觀音兵，一次女神暗示想和坤哥去日本旅行，令他如上了天堂，以為期待的初戀來臨。女孩說沒錢，希望坤哥負擔費用。失學失業的他只是打散工維生，於是向貴利借錢十萬為女孩帶來豪華之旅。女孩拿了坤哥大部分的錢去訂機票酒店和對換了大量日圓。

誰不知去到機場，竟然有另一高大威猛男伴在場，他叫柴狗。女神雙眼一直望着他，兩人態度親熱，三人同行令坤哥崩潰，但懦弱的坤哥只好跟隨。頭一天只是幫他們拍照和搬行李等。晚上最要命是兩個狗男女還在坤哥面前床戰，視他如透明。他只能捲進被窩痛哭了七天，回來後給周圍的人起了花名叫奴隸坤。而且貴利佬上門追債，被屈欠單已去到要還二十萬。可憐坤哥於是自尋短見。





張飛問：［柴狗係咪九龍城聯發社柴狼個仔？］





P.15

坤哥說他有這樣提過，他的父親柴狼也快出獄。張飛覺得這樣事情就好辦，反正總有一天柴狼會和自己決一死戰。坤哥這感情糾紛雖然不可算在社團戰爭間，但張飛會順帶幫他出這口氣。

另外張飛就跟追坤哥貴利佬講數，對方俾面這油麻地小霸王。把利息由本來十萬減至五萬。連本帶利還十五萬，即日截數，十五萬分兩年，每月平均攤還。張飛幫他找了頭三期數，更會安排他不錯的工作崗位。張飛對兄弟一向疏爽，而且他本人一向認為，錢夠膽洗就夠膽揾！用多了錢只會逼自己去賺得更多，他果然是做大事的人。坤哥感覺眼前這位十六歲大佬的本事和義氣。

在大排檔張飛和坤哥在內共十二人。在坐中陳世飛、軟硬擦膠、洗拿、青白葉一起在油麻地成長，大家都崇拜張飛。於十二歲那年，正式拜門，和跟張飛學功夫。





陳世飛，相貌英俊，為人聰明頭腦冷靜，學業成績突出。而且功夫了得，和青白葉是張飛兩大頭馬。大飛張飛，細飛陳世飛，幾年前己絕對是油麻地的新勢力。

青白葉，原名葉柏青。青白意思就是青山白痴葉柏青。此人行為白痴而得名，往往造一些出人意料的事，例如他一次想扮特技人飛車落海，再開門跳車。成功了但幾乎趕唔切跳出，還被路過的便衣警察看見。除了無牌危險駕駛外，更要支付約萬元打撈費，入男童院四個月。此人最大優點是坐言起行，做事衝勁唔會得個講字。十一人中他最會打，最大膽，有張飛六成功力。喜歡Hip Hop文化與打扮。梳了當時荷蘭足球巨星古烈治的髮型。後來十八歲那年他真的去當電影特技人。

冼拿原名洗志拿，洗拿是花名。並不是有着巴西賽車手一樣的駕駛技術，而是雙腳長期生癬而得名。但此君家中開車房，他手車也相當利害，在這方面不下於張飛。他有一位青梅竹馬的女朋友汗娜。

汗娜是張飛唯一的一位女門生，今晚沒有出現。原名項娜，由於天生大汗，經常滿身大汗被取笑因而得名。其實她是一名聰明活潑的美少女，幫張飛的生意和投資作秘書。她經常阻止一眾兄弟帶洗拿去獵艷，所以要和兄弟們鬥智鬥力。

軟硬擦膠為孖生兄弟，大哥軟擦膠原名顏光源，細佬硬擦膠原名顏交強。張飛自少幫兩兄弟起了一個非常惹笑的花名。兩兄弟向來講得笑，功夫就唔講得笑。而且兩人天生默契十足，如果兩人同步進擊，除了張飛外。暫時無人能擋。兩人一搭上女伴，就玩移型換影。一女服侍兩夫，女孩們都懵然不知。

新相識的五位--鳩泰，原名譚九泰，家中兄弟排第九。不愛回家經常玩通宵後上課訓覺，欠缺衛生。

喪榮，情緒慣性失控。好勇鬥狠，貪威識食。做事不顧後果。

大麻成，人如其名，甚愛抽大麻。後來行動升級，賞盡百毒，被家人大義滅親報警，入了戒毒中心。出來後只保留抽大麻這壞習慣。





蛇仔明，為人好賭，在自己社團非法賭檔做保安，卻自己賭埋－份。最常說的話是［今次又輸到瀨尿。］ 所以要用工作抵債。

龜公德，姑爺仔一名，口甜舌滑。搭上女孩後經常叫他們賣肉養自己，正宗軟飯王，沒有女人他會死。

最後是坤哥，為人懦弱，但底子裹其實頭腦不錯，只是埋沒了。

張飛和衆人飽餐一頓，酒過三巡氣氛不錯。五位同學放下當初的敵意，真心和張飛友好。而且牛佬致電其前社團大佬，自己確認後。已經正式成為洪飛大飛哥門下，人也開始投入。

張飛率領衆兄弟落尖沙咀Disco再玩，此乃洪飛社作睇場，門生在門口收票。









P.16

賣票收票這工作往往令衆兄弟，媾女得手成功率達八成以上。由於放不放這女孩免費入場，生殺大權在他們手上，所以女孩子總愛和收票的拉關係。更重要是原來女孩拿出銀包，打開買入場券付款時。總會看見銀包中間擺放的相片，如果有男朋友的肯定會放出來，不然就是姊妹合照，自戀相或身份證等。就可以瞬間就分辨這女孩是否單身，快人一步入舞池搭訕。

如果那女孩覺得你討厭，就由另一位兄弟補上說話：［小姐佢係咪騷擾妳，唔使驚！我會保護妳。］這種像足球員踢波打One Two的手法，往往令女孩哭笑不得就搭上了。加上女孩子往往夜蒲也出於生理上發情，青春有限，穿上性感服飾，遼人舞姿吸引異性。受不受媾又是另一回事，出來玩總有著心理準備，酒過三巡人也隨便了。只要面皮夠厚，晚晚嘗試，三五個女伴不難。所以張飛一眾衰仔，雖得十六七歲，但已經是一夜情的老手。

坤哥本身是宅男一名，自己也是首次去夜場玩。看見遠方有人一手像义腰。一手舉起過頭，再猛力搥下。舞姿古怪騎呢，問大佬張飛：［佢跳咩呀！］

張飛說：［佢唔係跳緊舞，係用隻手箍實一個男人嘅頭，另一手不停咁（鐘）佢啫。］

坤哥有點怕：［咁有咩辦法？落Disco媾女而又唔會畀人打。］眾人立刻恥笑不停。

軟硬擦膠又再高歌起來：［呢個世界上，有精仔，有懵仔，有叻仔，散仔，賭仔，重有戇居仔！］

軟擦膠：［係㗎㕸！實俾人打㗎，到時被人圍住你就｛系｝撚晒架。］

硬擦膠：［｛系｝晒！｛系｝撚晒！］

世飛：［唔使驚喎！呢啲場面，你逢男人見到叫大佬，逢女人叫阿嫂。就冇人攪你㗎啦！哈哈］

冼拿挖苦坤哥說：［真係低能兒童快樂無窮。］，跟著自己擺了一個耍帥的姿勢，［好似我咁型咪媾到女又唔會被人打囉！］

眾人看見冼拿的難頂姿勢，急急轉移目標。

靑白葉：［嘩！柒撚到呢！］

陳世飛：［柒撚到呢呢呢…］

軟擦膠：［柒撚到呢呢呢呢…］

硬擦膠：［柒撚到呢呢呢呢呢…］

張飛也忍不住寸嘴講：［你收皮啦！你以為自己係劉華呀，你係蔡華咋！］衆人笑破肚皮，張再追殺：［不過佢都似劉華嘅，似劉華疴個篤屎吖嘛！］

青白葉即時說：［咁簡單啲講，即係似篤屎囉！］

坤哥：［大飛哥，其實我咁耐已嚟都唔明，點解啲女仔著得咁少？我去望下之嘛，佢哋為乜又咁抗拒。咁佢哋著嚟做咩？］

張飛：［你問埋啲低B班問題，你真係要多啲出嚟見下世面。啲女咁樣著唔係畀你啲猥瑣咸濕仔睇呀，係畀啲靚仔睇㗎嘛，啲靚女去夜場梗係要啲靚仔流鼻血㗎啦，咁都唔明，碌撚！］

張飛：［想媾女就行啦，我百分百肯定今晚大家一定有運行，信者得救！媾女嘅嘢好簡單，唔使講話咩條件呀！最緊要揀啲適當嘅時間，適當嘅地點，適當嘅人物。你一出現，就有運行啦！其實我哋嘅人生座右銘好簡單啫，就係日求三餐夜求一篤！大家仲唔快啲，再唔去啲女被人媾晒，剩低啲死雞死鴨我哋嘆㗎啦，唔通你哋唸住坐喺度，鳩流流救地球呀！］

坤哥：［咁大飛哥，而家呢個係咪適當嘅時候呀？］

張飛：［絕對適當，城市臭口組Let's Go！］

一坐低同學龜公德最為積極，一馬當先已經搭上一女子，竟然問女子：［受唔受媾？］女孩就說：［受］，德：［咁錫淡先啦！］女仔話：［唔好］，德：［咁我哋分手啦！］

兄弟們很了解女孩子心態，他們會先定定凝望搭訕的目標。女孩子大多迴避你的眼神，但其後就會撥弄頭髮，甚至拿出鏡盒即場補妝，女孩會心想，我成功吸引了你 ，我要以最佳狀態去展示人前。表示女孩在享受你的注視，自我陶醉中，自然不會走開等於留機會給你，最後接不接受你搭訕又是另一會事。能證實自己魅力心裏總是歡喜的。

很多少女知道出來玩，總要有人保護，而且做大佬的有面子出手又豪爽，所以往往也是女孩作主動。

衆人坐下不久，突然停了音樂。全場自然噓聲四起，DJ說入場人仕太多，如果檯面冇酒，手上冇票請你們離開。此時睇埸紛紛出來。Disco的而且確很多時候也因為和購票的扮相熟就可以免費入埸。為購票和睇埸帶來艷福，但入場通常不會消費，所以冇票冇酒的也自動自覺走。

張飛們剛坐下，衆兄弟突然無故被女孩抱著。有女孩更向坤哥說：［我哋識得呵。］ 坤哥奇怪［識得？］另一少女說：［我哋唔想走呀！］兄弟當然歡迎。

衆兄弟己經極速上手，此時青白葉抱著一女孩說：［靚女呀！我先介紹我個细佬你識，佢叫小葉呀，佢好乖㗎，你今晚要多啲錫阿小葉呀！］再下身頂著女孩。

女孩：［佢先至唔乖呀，佢咁精神！］

葉：［你又知佢精神？你識咗佢好耐呀？其實都可以好耐嘅，都識咗成晚喇。］





P.17

女孩：［咁阿小葉一定好獸？］

葉：［好瘦？ ］

女孩：［佢一定好禽獸！禽獸過啲怪獸！］

葉：［就算我係禽獸，都係一隻猛獸！我哋有緣冇慾，好難持續！］

最後有一半兄弟那夜有下文。其實張飛知道兄弟們今晚實有運行，因為趕人走查票是他安排。張飛那晚也有一夜情，不過他一邊幹，還是滿腦子想起他一見鍾情的Linda。

第二天純情的坤哥只送那女孩回家，少女家住豪宅，在外國讀書的高材生，樣子不錯，只是一時反叛貪玩來夜店。坤哥覺得自己相貌又唔出眾，說話又唔玲瓏，荷包又唔鬆動。自己襯不起他，不敢追求。

張飛說：［ 我話你正一柒撚懵懵食甜筒，戇鳩鳩畀烏蠅嬲，媾女就媾女啦！佢點諗，關你撚事咩！點使幫條女諗㗎，女照媾，有乜等佢自己諗啦。到時諗下諗下，你咪又縮沙。咁撚煩，媾唔撚到咪第二件囉。其實我哋好正派㗎，一切都係從朋友開始，只不過由朋友開始，到有身體接觸通常都唔會多過一個鐘，食埋唔會多過一晚咁解之嘛。啲女稍為對你有啲好感，就可以攬住錫啦。唔好急最緊要快，去到夜場嗰啲環境就更加唔好畀時間啲女諗咁多，攬吓攬吓就好快就係你嘅人。每晚媾十件八件，十日八曰點都有嗰中啦。跟住大家扮飲貓咗，咪有飯開囉。先屌先贏嘛！到時哎吔都叫做你嘅人。點會咁易飛你呀！呢度識啲女認真你就輸啦，認唔認真都要睇對手㗎，Fxck又點同Love呀！如果方向正確，邊撚使搞到要跳樓呀！傻仔！］

張飛雖然說話有點不尊重女性，但的確是有效辦法。縱橫情場的男人也會對女性分成認真和玩玩兩種，就等於老婆和情婦兩種類型。如果把兩類人身份以錯配的態度相處只會悲劇收場。所以女人想男人怎樣看妳，就要睇妳自己對人的行為和態度。因此不要抱怨男人底裏總是壞，只是妳不配他要對妳好。其實浪子回頭的男人是最吸引，他們見識過失去過學會了珍惜，但問題他們是真的浪子回頭還是未玩夠，就要女人好好去觀察判斷。

坤哥：［我都明白，可惜我而家仲成日會掛住個前度，諗緊佢去咗邊做緊乜？係咪同人搞緊？越諗就越痛，越痛就越諗，但係我控制唔到。］

張飛：［諗諗諗！你做乜諗嘢呀？清醒啲啦！你個所謂前度根本係你一廂情願唔肯接受現實，由頭到尾佢都係當你水魚咋。佢已經係一個垃圾！無論係你親手去掉佢，定係佢自己跌出嚟佢都係一個已經腐爛嘅垃圾！你理得佢去邊！你唔會去諗一個垃圾最後去咗焚化爐定係去咗堆填區嗎？而家畀乞衣執咗咪當環保囉， 唔通你為咗一句唔衰得，就同個乞衣爭件垃圾呀？仲留件垃圾喺度盞搞到自己成身病菌污糟邋遢！放手啦！舊嘅唔去新嘅點嚟呀！］張飛言之有理，的確坤哥這時極需要新戀情，來忘記傷痛。

最後坤哥成功把女孩泡到手。成了他真正的初戀情人，張飛真是他的貴人。可惜這個滿嘴戀愛專家口吻的他，最後能醫不自醫，留下一生不了的痛！

明天張飛回校，九泰五人自動自覺，像待從般跟著他。而且自發地不斷向其他同學表示，已經和張飛言歸於好，並已過檔跟隨他。其他同學對張飛更加心服口服。他在小息時操場坐下，其他班不認識的同學，也因昨日張飛一敵二十的神勇表現，向他要求跟他。

張飛：［我已經收咗五個細佬，暫時唔會啦，收徒弟就可以。而且我會接管學校，以後由我話事。歡迎任何人嚟挑戰，我要求以後大家天下太平。你哋放風出去，以後邊個要响學校開拖嘅，問過我先！］結果一直没人敢來挑戰。其後收徒弟人數太多，向學校申請課後授拳，開課程也被學校破天荒接納，徒弟己差不多有二百人，只好找來世飛等人來做助教。學武氣氛令整個學校熾熱起來，同學也變得有紀律。張飛也不會在學校講黑社會和收門生，只講功夫。這一切也是學校希望看見的，也是訓導主任Linda來這裏教學目的。

雖然她對這黑學生一直有介心，但心中不得不佩服這位出眾的少年。有時張也會和Linda商議課外活動的方向。自然會籍詞約會她，她說不會和學生有私人約會為由拒絕。張飛於是以提升整個學校的水平，成為要接近名校級別為賭注。成功就可以和她約會，Linda認為這是歷任校長也辦不到的事，就爽快答應。究竟張飛有何把握下這賭注？