因為一次意外我獲得神奇力量可以隨心所欲，結果........: Ch.2 我要乜有乜?(2)

我成了第一名？不是發夢吧？
 
如果是夢，請千萬不要讓我醒來。
 
「Chris不但只係全行第一，更加係全區連續兩個月排名第一的同事，我地以熱烈既掌聲恭喜。」
 
真的是我？為甚麼？我究竟做了甚麼可以排行第一名？這幾個月我腦海一片空白．．．
 
「依家請Chris出來同我地講幾句分享一下。」一陣掌聲傳出，眾人正等待著余立信。
 




余立信站在一眾同事面前感到前所未有的優越感，他不知道該說甚麼，也許不必清楚，無論是那一句話從余立信口中吐出都是真理，都是金句，直到目前他也不明白箇中究竟有何改變，但唯一他可以做的就是繼續沉溺現在的歡樂和光榮，因為這等光榮下一秒鐘就可能已被奪走。
 
隨著一片附和的虛偽贊譽後就到了分行開門時間，所有人都回到自己崗位工作，余立信習慣地坐在自己的辦公位置拿出手機看看今天的股票行情。
 
他早前高價買入了一隻股票，晨星國際，現價是二十元。
 
噢，他記得在之前在十五元時了一萬股，八月時候已跌至十二元，他便忍痛止蝕離場。
 
他大力拍拍坐椅。又是這樣子了，為何每次總不能堅持到底呢？如果他能固守至今就反賺了五萬元。
 




「唉，唔係你既此終都唔係你。」
 
他暗中感慨，但也想到這兩個月業積排名都進至第一名，年終花紅應該甚是可觀吧。唉，這也算是安慰，錢總不能賺盡。
 
電話響起，是靜婷打來。
 
「喂，咁早打過黎？係咪掛住我？」
 
「唔好講笑住先，果隻晨星國際，依家二十蚊係咪放啦？」
 




「晨星？你有買咩？」
 
「你叫我買嘛，依家二十元．．．即係賺左一倍，不如放左佢啦。」靜婷繼續道：「之前十二蚊入左一萬，八蚊入左兩萬，乜你好似失左憶咁？」
 
「嘩，咁咪賺左成三十萬？」余立信不禁驚呼令不少人望向自己，他立即壓低聲線：「咁放啦，賺左咁多我地今晚食餐好既。」
 
「唔好亂洗錢，你唔記得我係入錢係你個戶口買既咩？你上網放左佢啦，唔好咁貪心啦。」
 
「知道啦，老婆大人，我講個秘密你聽，我今日攞左全區第一，威唔威？」
 
「你講左好多次啦，上個月你已係全區第一，你話砌低Michael等佢冇得翻身嘛，做人唔好去到咁盡，此終都響同一間行做野，無謂攪到大家面左左。」
 
余立信這時不懂如何回答，他奇怪自己會說出如此狂妄的言語。
 
沒多久Anna拿了一些文件找他道：「師兄，幫我check下啲戶口有冇錯？」




 
余立信把文件看了幾次發現正確無誤馬上讚許道：「叻女喎，冇見一排學到啲野咁熟手啦。」
 
「咁都係多得你呢幾個月黎幫我唔少啦。」Anna甜甜一笑。
 
「學野學得咁快，抵讚！」能夠教曉Anna令余立信內心泛出一遍成功感：「一陣一齊食lunch 啦，約埋阿Kim。」
 
「唔好啦，你知道我唔係咁鍾意同肥Joe果班人食飯啦。」Anna面有難色道。
 
「肥Joe？乜水黎呀？」余立信內心疑惑道：「乜我好鍾意同佢地食飯既咩？」
 
「你唔鍾意啫，人地鍾意痴住你嘛，人地既大佬。」Anna半帶說笑的口吻道：「依家佢地點會唔當你係神咁拜，你日日係咁餵單俾佢地。」
 
「吓．．．乜你講到我好似養緊啲擦鞋仔咁。」余立信感到莫名其妙.
 




「乜你唔係好enjoy咩．．．算啦，我唔係話你唔好。不過我真係唔鍾意同佢地一齊食飯，我做野啦，遲啲再傾。」
 
Anna的態度令余立信有點兒不安，好像和她的關係疏遠了不少般。