因為一次意外我獲得神奇力量可以隨心所欲，結果........: Ch.2 我要乜有乜?(3)

余立信下意識想到該要找Kim傾談，他腦海又想起這幾個月的記憶是空白的。
 
          可是他一離開自己的位子就碰到Michael，Michael甫一看見余立信臉容就立即變十分難看。
 
余立信內心早已猜到。以往他的銷售成績一向是中下游一群，根本不能對Michael構成任何威脅，但現在自己竟連續兩個月奪得第一名，這就令Michael黯然失色，榮譽不再他身邊圍繞。
 
          為了避免無謂的尷尬，余立信心裏想了千萬個客套的說話，也認為Michael未至於這麼小氣吧。
 
          「喂，Michael，仲未食飯？最近Samsung好似出左新機，有冇諗住換個部電話．．．」余立信極力擠出連自己都接受不到的笑容。
 




「你慳啲啦，我同你冇野好傾！」可是Michael連基本禮貌都無意敷衍就急步走開。
 
「依家殺左你全家咩？痴線！做人做到你咁小氣。」余立信實在自討沒趣，他悶悶地步行到大堂，大清早沒有甚麼客人來臨分行都顯得一遍冷清。
 
突然有一個胖子拍拍余立信肩膀道：「信哥！」
 
余立信看見那胖子叫自己叫得這麼虛偽，一股無名的厭惡感湧上心頭。
 
「嘩，呢條友霎熟狗頭，躹躬到成個漢奸咁，原來佢就係肥Joe。」余立信看到這胖子的名牌也虛偽地回應一句：「咩事呀Joe哥。」
 




「唔好咁叫我啦信哥，我受唔起。今日你又攞第一名，我諗下同你去邊度慶祝之嘛。」
 
阿Mark聽到他們說話立即上前道：「食lunch？我諗到個good idea，去福臨門食就最啱！」
 
「福臨門？好貴喎。」肥Joe作狀地道。
 
「以信哥今時今日既地位，福臨門絕對請得起。」Mark一唱一和道。

　　「你班契弟，我跑數全區第一關你叉事咩！仲要我請你地食福臨門？福壽園就有得你地去。」余立信心想。





　　「我今日約左人食飯，唔得閒理你地。」余立信極不耐煩道。

　　「嘩！信哥，約左邊個靚女呀？」Mark笑得像一條狗道。

　　「我約左阿Kim食飯之嘛，唔係要請示你地呀？」余立信態度繼續差劣。

　　「唔好理Kim個低能仔啦。」肥 Joe立即不屑道。

    「邊個低能仔呀？」余立信一聽到肥Joe講Kim的壞話立即怒道：「你講邊個係低能仔話？」

　　「咩呀信哥．．．你之前都係咁樣話佢啦．．．」肥Joe有點像一個犯錯小孩低頭道。

　　余立信開始在腦海浮現出這胖子的印象，他是剛來了兩個月的新人。不學無術，最厲害就是向有權力者獻媚，余立信最初當上全區第一名後他便立刻巴結自己，而余立信亦樂得有個隨從而多番照顧他。
 
「講低能夠你低能？入左黎兩個月乜Q都唔識。上次竟然叫個客寫個密碼係封信度寄番總行。上面班契弟直接插左許生成日，搞到我無端端俾許生鬧話我唔識教新人。」余立信把內心怒火傾瀉出來。




 
「Chris 算啦，唔好話佢啦。」Mark好言相勸道。
 
「仲有你呀，你都唔係好得去邊！話俾你地聽最好醒醒定定，唔好再俾我聽到啲乜野閒言閒語。」
 
余立信奇怪以自己的性格不可能在大堂咆哮責罵同事，他內心感到和阿Kim的關係可能極為不妙馬上去找他談談。
 
「Kim今日都幾靜喎。」余立信看到他正處理戶口文件便裝作若無其事道。
 
「係咩，靜唔靜你都唔使驚啦，係我地驚之嘛。」Kim的反應比預期還要冷漠。
 
「你做乜嘢咁樣講野呀，唔係我做錯啲咩呀。」余立信這番真的一臉無辜，他確信自己沒有幹過什麼壞事，心內不斷想尋找答案。
 
「你做左啲咩你自己知啦。」KIM繼續冷冷地道。
 




余立信實在按捺不住內心的激動道：「我可以做過啲咩令到你地咁對我呀？」
 
「你唔洗咁燥呀，頭先係出面爆完你兩條靚依家唔係連我都想爆埋下嘛？」
 
「你唔好咁對我啦，我究竟做錯啲咩？頭先ANNA同我講野已經有啲怪，依家連你都係咁。」
 
「我唔會好似啲跟班咁刷你鞋囉。」阿KIM話語間充滿敵意。
 
「我都唔係咁既意思，果兩條廢柴駛九理佢咩。問題係你呀，you are my best friend。我唔明你點會同Michael一樣既態度，頭先佢見到我好似殺左佢老母咁。」
 
「佢咁樣對你係好正常。」阿KIM嘆氣。