我係個電台DJ，每晚都做個無咩人聽嘅節目: (二十六) 訣別

「係啊，冇咗佢嘅出現我諗而家我只係個每日淨係識翻工放工嘅毒撚。」

「一個重要嘅人出現的確可以改變自己好多，咁之後呢，你地嘅生活過成點？」

「我地一直都仲好甜蜜，直至有一日佢突然間..失蹤咗。」他說。

「失蹤咗？」我驚訝道。

「有一日，佢無聲無息咁喺我生命中消失咗。」





「毫無預兆咁消失咗？」我害怕自己聽錯，反覆地問。

「係，IG, Facebook, Whatsapp全部都仲喺到，但已經搵唔到佢，電話冇Cut到但都冇人聽。佢好似從來冇出現過，又好似冇消失過。淨低嘅，只係我地存喺手機嘅合照。」

「係幾耐之前嘅事？」

「九個月前左右。」

「佢屋企人呢？」





「都一樣唔見曬。」

「我試過登報，但其實效用根本唔大，因為我錢銀其實有限，唔可以登喺啲顯眼位。我又試過喺佢屋企附近貼街招，但轉頭又俾人撕曬。」

言語間，我也感受到他的無助。什麼是無助？就是當你很焦急，感覺做事沒有方向，只會不斷做一些徒勞無功的事情時。

「咁之後呢？」我問。

「其實我果陣都好唔知點做..我啲朋友，包括啲中學同學都有幫手搵，但都冇結果。」





「佢失蹤之前有冇啲咩跡象？」

「冇，我記得佢失蹤前一日我地都仲有見，果陣佢都冇乜特別唔同。我仲送到佢去樓下。」

「會唔會講咗啲令你覺得好奇怪嘅說話？」

「有，佢突然講過佢想去旅行！」

「去邊到？」

「好似係..加拿大。加拿大係佢嘅家鄉，佢突然話想番去旅行。我話好啊，遲啲同佢一齊去。」

「我相信佢應該唔會忘記呢個約定。」我打算以這句安慰他一下，可是..

「我相信佢唔會忘記，雖然已經冇機會實行。」





「你嘅意思係..？」

「有一日我收到佢爸爸個whatsapp，我突然覺得呢個世界有翻希望。」

但..為什麼是他爸爸傳來的訊息？

我抱著萬分期待前往她的家找她，到達後卻看見一片愁雲慘霧..

「嗨，世伯伯母，好耐冇見，子月呢？」我強顏歡笑地問。

因為當我看到他們的神情，一陣不安的情緒襲上心頭。

「Alvin，對唔住。」子月的媽媽一看見我就緊緊的擁著我，口中一直說著抱歉。





「伯母究竟咩事？」我焦急的問，我很想知道什麼狀況，但心中卻一直不想聽到我所預計的答案。

「子月..佢離開咗我地。」

「離開咗？去咗邊啊？我去搵佢啊。」我仍然強顏歡笑的說，但心中已經有數。

「Alvin你冷靜啲。」子月的爸爸也開口了。

「子月已經離開咗我地..離開咗呢個世界。」他說。

「唔會架，點會冇啦啦死咗！」我仍然是那一副的強顏歡笑，但眼角已伴隨著幾顆淚珠。

他們一直避免說一個「死」字，或許用「離開」是奢望著她會回來。因而聽到我說個死字，他們也更加傷心。

我不知道為什麼，我哭不出來，但內心卻像被千刀萬剮。





也許呼天搶地的嚎哭也不及欲哭無淚來得傷心。

那一刻，我真正感受到什麼叫崩潰的邊緣。

想不到當天那一句普通的告別竟然是訣別，多日來的等待竟換來死亡的信息。

「佢係因為Cancer所以先..」子月的媽媽跟我道出原因。

「我地送咗佢翻加拿大睇下有冇辦法醫，但始終都係..佢唔想俾你見到佢最後果個病入膏肓嘅樣，所以唔俾我地通知你。」

「點解..點解你地咁自私！」我不斷的責罵他們，我知道我不應該再加添他們的內疚。但我想不到任何方法宣洩我的傷感。

「真係好對唔住..但係個傻女話如果要話你聽，佢寧願唔做化療，我地都冇辦法。」她繼續說。





「佢喺房入面留低咗好多嘢俾你，我諗..你最好入去睇下。」子月的爸爸說。

「咁佢留低咗啲咩俾你？」我問Alvin。

確實的，我也想像不到，身邊重要的人突然消失，了無音訊，我就當阿強好了，再度有他的消息時竟是他已逝去的消息，正常人也是接受到不到的。

我相信我的情緒會更加不穩。

「呢9年我地一齊嘅回憶..同埋一封信。」Alvin回答。