痴漢聯盟: 4 派膠俠
[啪]
一疊報紙飛落Ka君塊面上
' 自己睇 '
' 咁對病人都得? '
Ka君右手㕸起份報紙 , 開始讀d內容出黎
' IIO 高級成員昨日於列車與本地組織中交戰負傷 ,
事件中一名通緝犯疑在交易後被殺。
詳情請看a.....波士你比我睇完先啦 '
' Nope '
面前既 Annabelle 組長抽起份報紙黎手就一野扑爆Ka君個頭
' OOOuch , 好痛 '
' 雖然前日你令到我地 IIO 既形象一落千丈 , 不過宜家我比你一個將功補過既機會 , 你要吾要 ? '
' 吾要 , 吾要吾要吾要...咪住 ! 我要 , 我要 '
Ka君及時改口 , 避免左再比人扑爆頭
組長放低手上既報紙
' 哼 , 好 , 最近有一班人係觀唐搞事 , 而至少4名能力者牽涉其中 , 我比你一個星期既時間搞掂單野 , 聽日返總部報到 , 有d野比你。
' yes madam '
-------
第二日 , 7點 , 上環IIO香港總部
{ 咦 , 呢個咪K乜君 }
{ 點解佢成條腰都係蹦帶嘅 ? }
{ 好似前日比竹龍既人打斷背骨呀 }
{ 咁佢仲有臉返黎? }
' 認真咩 ? 我戴住口罩都認得出? '
Ka君踏入總部第一步 , 就聽到班同事喺到對佢指指點點
' 屌 , 行後門算 '
--------
' 咚咚 '
Ka君敲響左組長既門
' 入黎 '
' 你黎得啱啱好 , 呢個係你既partner '
組長Annabelle 指住坐喺旁邊sofa睇緊雜誌既男人
' 嗯? '
佢係一個典型既美國佬look , 金眼碧眼 , 肌肉明顯有鍛鍊過 。
' 哈囉 , 我既搭檔 '
' Hi '
Ka君敷衍咁回禮
" 竟然識講白話?"
' 佢叫Charlie 已經居港5年 , 今次你地兩個負責搞掂觀唐單case
至於間房 , 我比茶水間旁邊既7號房你地.
And here's the key '
' Yes ma'am '
Charlie接過鑰匙離開 , 準備同Ka君一齊去7號房
組長喺兩人出房前又醒起有d野要講
' 呀仲有 , 你地應該兩年內都會一齊做野 ,
要做好心理準備 and be nice to each other '
-------
每層樓最大既房間都係7至11號 , 原先以為會被分配到4號房 , 可以講係一個驚喜
' 咔嚓 '
charlie 用鑰匙打開左7號房既門
' Oh hello beautiful '
兩人發現左有條女坐左喺裡面食飯盒
枱上仲有部手機播緊片
' 炸豬排飯 , 美女殺手都吾驚 ? '
' 對 對對對吾住呀 , 我見樓下飯堂滿人咪上黎食囉 , 咁啱呢間房無鎖到我就入黎借用下
' 無鎖到 ? '
嘉欣哥伸手檢查下個門鎖 , 原來真係壞撚左
' 屌 , 我就知條八婆邊有咁好死比咁大既間房我地 '
' 呢張係我 IIO 職員證 '
Charlie 接過佢張職員證睇
' 夏紋星 c+級戰鬥人員
編號: b 3496479...........
頒發日期 ...
' 咦 ? 你前日先入 IIO 架? '
' 係呀 ! '
' 唉 , 咁算啦 , 記得下次吾好亂入人地間房 '
' Yes sir , 我以後吾會架啦 , 我宜家就執野走 '
' 咁又吾洗 , 你食完先啦 '
Ka君輕輕撳住想企起既夏紋星
' 啊～多謝你啊嘉欣哥 , 你好好人啊 '
' 咦 , 你又知我叫咩 ? '
' Partner , 其實宜家全間IIO無人吾知你 , 睇下呢條片 '
Charlie喺手機道撳左幾野 , 然後就遞比Ka君
影片標題係
{ IIO史上最柒既S級 }
" 吾對路 , 好吾對路啊 "
Ka君未睇心裡面已經開始大嗌
撳落去一睇
[ 哈哈~~噁好痛 ]
影片中既自己喺地鐵不斷重複一野撞落條扶手道既動作
睇黎已經比人做成GIF圖
' Partner 如果吾係boss幫你落左條片既話 , 全香港都會知啊 '
' 吾洗擔心wo , 嘉欣哥你一定 一定會一雪前耻架 '
夏紋星一邊快速扒完剩低d飯 , 一邊安Ka君
---------
' 事發現場附近天眼比人整爛曬 , 無指紋 , 咩都無 '
差利喺夏紋星走左後翻開檔案薄 , 讀出已得既資料
' 事件中合計五間金舖被盜
嘉欣 , 你點睇? '
' 會吾會有隱身能力者? '
' 咦 , 有一名IIO 職員喺事件中殉職? '
差利突然讀到一行
' 死亡既係代號為Ribbon既B級職員 '
' 咩話 , B級死左點解無人知??? '
兩人都為B級職員殉職既消息被封鎖而感到疑惑
' 咚咚 '
呢個時候有人敲門 , 將二人從思考中叫醒
' 入黎 '
敲門既係頭先既夏紋星
' 你有野漏左喺道? '
Charlie問
' 吾係呀 , 組長派我黎幫你地手呀 '
' Annabelle派黎....既?
' 你過黎睇D資料 '
Ka君掟左一疊File比佢
五分鐘後
' 矣 ? 即係我地宜家要去視察現場 ? '
' 嗯 , 資料你都研究完 , 就係時候去睇現場環境 ,
我地兩個先落去2樓車庫攞車 ,
你去裝備室攞個B級裝備箱 ,
10分鐘後總部門口見 '
' Yes sir '
夏紋星因被分派到工作而興高采烈
---
電梯內-
' 個新人都幾搏 '
Ka君同Charlie傾閒偈
' 個girl似係監視我地進度多 '
' 你住邊？ '
' 秀茂坪 新和邨 '
' 嗰邊離難民營好近wo 吾驚咩？'
' 吾驚 都住左五年 '
[ Second Floor ]
---
裝備室-
' 咦 , 你係? '
夏紋星望住裝備室裡面突然喺佢面前出現既男人 , 問
' 你無須要知 '
夏紋星雙眼逐漸迷離 就好似比人催左眠咁
' Yes your highness ! '
------
12點 觀唐鞍玉街北段1-14號
' 玻璃櫃無受損 , 吾通係有內鬼 ? '
夏紋星喺入內觀察完店舖後同差利兩人講出自己既結論
' 吾錯吾錯 '
' 矣 ? '
' 雖然你既結論有 Dwrong, 不過好在至少你肯諗 '
Charlie否定左紋星
' 如果係自己人偷既話 , 咁應該係五間金舖都有內鬼 , 平時佢地競爭咁激烈 , 邊有可能一齊合作。而且吾係超能力犯案既話 , D差佬應該好快破案 '
[ 啪 ]
Charlie 打左個響指
' 我頭先見到(永寶金飾)間工房枱面有D閃爍粉末 ,
起初以為係打磨完銀飾後留低既殘渣
但係 , 我用條唎lam左下 , 結果其實係鐵粉 '
' 點解要lam? '
紋星突然插嘴
Charlie面紅左
' Be..because我地D美國人經常食金鉑 ,
但未食過銀 , 咪想試下囉 '
' Anyway 我覺得呢單野應該牽涉念動力能力者在內 , 你點睇, Ka君 '
' 我覺得可能仲有電子干擾既能力者 ,
我頭先去檢查 cctv ,
雖然畫面花曬 ,
但呢間業主既天眼
系統收音裝置係靚野 ,
但係都收吾到任何野 '
' 咁嘉欣哥你又話收音裝置係靚野 ? '
紋星問
' 犯人喺完全無發出噪音
不過系統備份記錄收到地面震動既聲音
由呢d震動頻率黎睇 , 犯人之中有一個人腿跛跛地 '
' 哦 !!! 咁咪有線索囉 ! '
夏紋星對案情有進展好激動
' 吾好咁開心住 , 香港至少有幾萬人腳跛跛下
雖然有d難度破案
不過根據一個定律 , 我地好有機會捉到一兩個疑犯 '
' 咩定律呀 '
夏紋星問
' 犯人有機會返回犯案現場 '
Charlie同嘉欣異口同聲咁講出黎
------
十分鍾後 大家樂
' 差利哥 , 我地做咩喺道飲下午茶呀 '
' 呢道可以睇到對面3-8號既兩間金舖 , 我地就喺道休息下食d野 '
Charlie解釋比紋星聽
' 嗯~D西多士好好味 '
夏紋星一邊Hitea ,
一邊觀察路況
' 啊啊啊~! , 有個人鬼鬼鼠鼠企喺個道 '
紋星掃到有個戴口罩既男人喺金舖出面遊蕩
' 嗯 , 郁手 '
Charlie同Ka君即刻落樓 , 留低紋星一個
' 矣矣矣 , 等埋我啊
D奶茶啊...有無搞錯啱啱先上碟就走...嗚嗚嗚....吾要啦 '
------
Charlie二人利用街上既人群隱藏行蹤 ,
同時不斷觀察個男人
' 你覺得呢個人點? '
' 好可疑 '
正當兩人就快接近到個男人時 ,
佢突然轉左入巷仔!
差利同嘉欣哥對望一眼
' 追 !'
口罩男既速度好快 , 而且即使喺追逐中橫沖直撞 , 發出既聲響亦比差利二人少 !
咁樣既特徵就高度符合案件中內無聲偷竊既要求!
雙方既距離愈來愈近 , 而口罩男放棄左平地追逐 , 而轉為室內追逐!
口罩男沖入一棟樓既後門然後爬樓梯上天台！
[ 砰! ]
口罩男撞開頂樓既門 , 黎到天台既空地處
佢無繼續行 , 可能因為已經無路行 , 又或者想決一死戰
差利二人幾秒後趕到
' 你上黎做物 ?上黎曬太陽呀 ? '
Ka君問
口罩男答佢
' 比個機會我 , 我以前無得揀 , 我宜家想做個好人 '
' 好 , 同法官講丫 , 睇佢俾唔俾你做好人 '
' 收爹啦 ! 呢句嘢我聽咗九千幾次啦 ! '
' 呢個世界唔應該係咁 , 做人唔應該係咁 '
' 你地兩個玩夠味 '
差利大叫
' 對吾住 , 入戲太深 '
Ka君平舉起右手將拳頭對準嗰男人
而四個手指罅里面分別夾左一個硬幣
' 咁即係 拒捕啦? '
Ka君問
' 嗯 , 當然 '
正當Ka君準備射銀仔既時候
' 嘉欣 , 後面有人 '
天台道逃生門被人推開 , 喺裏面出黎左5個人
而最後出黎既係一個1米9既高壯男人 佢將手放喺門道
電光火石之間 , 道鐵門瞬間龜裂鎖死 !
' 小心 , 極低溫既冰属性能力 '
差利認出嗰個男人既能力
口罩男一方慢慢對Charlie二人形成包圍圈
' 你三個我三個 '
' Okok '
Charlie二人背貼背 形成一個無死角陣形 , 呢個係IIO訓練課程最基本既野
呢個時候 , Ka君突然靜靜雞喺Charlie既耳邊講野
' 喴 , Charlie你既能力其實係咩 '
' 係膠 '
' 膠 ? '
' 你應該睇過我資料架 '
' 我以為有人惡搞你 , 點知你能力真係整d膠出黎 '
' 無須講咁多 , 快手搞踮1 , 2個先有勝算 '
口罩男認為自己已經嬴硬 , 開始向Charlie 2人挑釁
' 估吾到IIO 派2個s級黎 不過我地都有1個s級 , 5 個a級 就睇下邊個會.....噁 '
口罩男突然手呃喉嚨倒地
而Ka君手中硬幣就只剩返3個!
尼招就正正係喺火車上迅速擊殺外套男既招數!
' 對吾住 , 我係差人 , 你都係食我電磁炮啦 '
短短數秒 , 人數就由2v6 變為 2v5!
' GO! '
冰能力者發號施令 , 其他4名能力者一湧而上!
盔甲 !
Charlie催生厚膠盔甲硬食左4條友既攻擊
' 臭冰佬 , 你就由我黎擊殺! '
Ka君抽出青黑雙劍,直接沖向冰能力者。
' Starburststream! 呀呀呀呀....咦 ? '
但係雙劍完全斬吾入去 !
' 弊 , 條友太硬 , 連把劍都就斷 '
' 食我一拳 '
冰能力者右手溫度再次急降再一野鍾落Ka君胸口!
' 噁 '
Ka君比佢打飛到6米外 , 仲噴出一啖血 , 不過
' 液態氮零下196度既溫度 , 加上200公斤力量既一拳都未死 ,
果然係s級 訓練有素 , 不過再黎一下又點話 ? '
[ 呼 ]
Ka君僅僅避開左呢一拳
' 吾錯 , 再黎 ! '
嘉欣哥見到佢窮追猛打自己想走又走吾到 ,
走左差利嗰邊根本頂吾到 ,
吾走又會比人打死 , 真係兩難
' 咦 ? 點解周圍既空氣暖返 ? '
嘉欣哥望向冰佬 , 諗左一諗
' 睇黎你既能力有冷卻時間 ,
哼 , 真係好笑 ,
明明係冷凍類能力都要冷卻時間 ,
你能力吾係s級 ,
最多係a 級咋 '
' 你....作死 ! '
空氣再次急劇轉凍 !
冰能力者全身皮膚表面甚至形成左一層薄冰 !
' Ka君 , 咪死住 ! '
Charlie啱啱突破4人左既攻擊 ,
成功打低一個人之後 ,
就見到冰佬不斷追打Ka君
就係呢一剎 ,
一把刀趁Charlie分心劈開左佢既腹部裝甲 !
' 咳咳 , 無事！ '
Charlie用膠質封住傷口 , 再反手用膠刀切開攻擊者既喉嚨!
------
2v3
形勢表面上回轉 , 但係其實差利二人已經筋皮力盡
' 你中左我4拳 , 吾錯吾錯 , 你仲企到 , 但係你一直避又有咩用 ? 受死啦 ! '
冰能力者沖向Ka君
但係呢個時候 , Ka君竟然一改防禦姿態 , 徑直沖向冰佬
' 嗯 ? 你痴左線呀 ? '
冰佬恥笑Ka君既行為 似乎忘記自己就企左喺天台邊緣
[ 砰 ! ]
Ka君一野將冰佬撞左落天台!
而自己亦都無力保持平衡 , 都跌埋落樓
兩人一邊下墜一邊喺空中上下對望
冰佬笑左
' 你推左我落去 , 你都要死 , 同我一齊落地獄啦 '
Ka君答佢
' 我會上天堂 , 不過
NOT TODAY!
Ka君發動能力 , 向下掉落既速度驟降!
' 吾通你降低左自己周圍既重力? '
' 無錯 , 魔人 , 你罪大惡極 , 接受死亡既審判啦 ! '
' 但係我死前想知一樣野 '
冰能力者問
' 咩野？'
' 點解我無名 , 點解我要叫做冰佬 '
' 你問作者啦 '
[ 轟 ! ]
全身結冰既冰佬撼左落水泥地道
身體化為冰屑散開一地
' 嘖 , 就算降低下跌速度 , 都要頂呢下沖擊 '
透過轉換姿勢 , Ka君選擇將落點轉為一架的士
[ 砰! ]
Ka君砸左落的士車頂 雖然成功減去大量動能 , 不過佢四肢已經無法郁動
而紋星啱啱好趕到樓下
' 黃sir , 你做咩又比人掟落黎啊 '
Ka君有氣無力咁回應
' 屌你叫白車啦 '
------
[ 鏘! ]
而喺樓頂既Charlie 亦都成功解決所有能力者 , 而且仲生擒左個!