【穿越】【三國】 流離者(不定期更新): 12

經過早上那不堪回首的經歷,我下意識已經對「咯咯咯!」這敲門聲有了陰影。

但就算萬般不情願都要起來開門。

木門一開,

一個妙齡少女低着頭,默不作聲的站在我面前,

這不是誰,正是小南。






話!乜嚟真㗎,唔係講笑下話,夜媽媽一個女仔入嚟我房,仲要咁秀色可餐,我一個咁血氣方剛嘅少年又點會忍得住......













就奇!

而家係人哋一個女仔畀我抽完水喊到九彩咁,夜晚仲要送埋外賣,咁都仲做得出?仲有人性嘅!



「我諗丁大人講笑㗎者!你番去訓先啦,我聽日幫你同丁大人講聲就得!」站在我面前的小南顯然有微微的顫抖,只默默的站着,感覺上就像一個等待行刑的死刑犯。






小南過了好一會兒,終於開口說道。


「唔係㗎!丁大人係認真㗎,如果我就咁番去,丁大人一定會處罰我㗎.....」小南說話的聲音越來越小,身體的顫抖卻越來越激烈。

眼看她雙手環抱自身顫抖,惶恐不安的狀態,又怎忍心再趕她走。

「咁......你入黎再講啦。」我邊安撫邊邀請她進房間裡。

「好啦,你冷靜啲,坐低飲杯茶先。」我提起水壺,倒滿一杯茶,慢慢放在小南面前,唯恐又觸動到小南的神經。

小南緩緩提起茶杯,但又忽然放下。

「對唔住啊李大人,應該係我服侍你!」說罷小南立即站了起來。





「都叫你冷靜啲先!你係我面前唔好咁拘謹,咁樣對我黎講好冇禮貌!」我稍微加重語氣,故作嚴肅的的說道。

「唔得㗎!丁大人千叮萬囑要我好好侍寢,替李大人解悶。」小南輕聲細語的說。

雖然不情不願,但一個可愛動人的女孩子對着我說這樣的一番話,的而且確令我有點心動...

嗱!我先此聲名,我係正人君子,絕對唔會乘人之危嘅!

「但係....」小南欲言又止。

「做咩,想講咩就講啦唔使驚㗎。」我用我平生最溫柔的腔調說道。


「但係...我唔明白服侍大人就寢點先可以為大人解悶...」小南終於鼓起勇氣問道。







。。。。。。。。。


「哈哈哈哈!!!解悶方面...你已經...好成功啦!」我失聲豪笑。


這大笑是為了小南的可愛表現,更是為了以笑摭醜。

她根本什麼都不懂,只知道自己將會被送進豺狼我獠牙中,恐懼只因為怕得失客人會被狠狠懲罰。

在我放聲大笑之中,小南面頰已通紅,低着頭,不發一語。

「哈哈哈!唔得啦...,咁你咩都唔知點解今朝又喊曬口,驚死我食咗你咁?」我稍緩笑意問道。





「係因為小姐話如果同陌生男人共處一室就會發生啲好恐怖嘅事...」小南面有難色的說。

「哈哈哈哈!真係唔得!」接着我又笑了好一會兒。

「你唔洗驚,我唔會對你做啲咩,至於解悶...你就同我傾下計啦!」

「咁就可以為大人解悶?」小南一臉疑惑,懵然不知事情的來龍去脈。

「係啊!不過得我哋兩個你就唔好叫我李大人,叫到周身唔舒服,就叫......李大哥得啦!」這時我剛好想起武俠片中的叫法。

「知道...李大...哥。」小南只好滿臉害羞的小聲應道。

或許我的笑聲令小南放下了戒心,小南開始能和我平常對話,。





看她的見識就如初生之犢,我亦毫無顧忌的與她說我的真正身份,她竟然完全相信,連絲毫懷疑都沒有,之後我慢慢和她說現代的瑣碎事,她聽得格外入神,就如井底之蛙初見廣闊藍天一樣,眼神裡充滿了憧憬。

或許認識小南就是我來到古代唯一的一件好事。








「李大人!」趙文在門叫道。

我連忙上前開門。

「李大人看來還未就寢...」話還未說完,趙文就對我做了一下拱手。

「李大人魄力驚人,在下甘拜下風。」他語氣真摯,看來是認真佩服我的。

「唔係啊...我哋」

碰巧小南因為聊了一整晚,犯睏睡在我的大床上。

「李大人的確厲害,玩了一整晚還精力充沛,有空還請指教指教。」趙文面帶淫邪的輕聲道。

「你誤......」

「呢啲容後再說,早飯已預備好,先到大廳再暢談。」隨後趙文又引領我到大廳。

呢鑊嘢真係跳海都洗唔清,最慘係我咩都未做!





「好!劉兄弟好酒量!我再敬你一杯!」

「丁大人言重啦,一介莽夫,點似得丁大人貴為晉陽城主咁厲害,名器寶物到處皆是。」

「的確,比白馬將軍府上還要華貴,還要多的名器寶物。」張飛插嘴道。

「當然!」丁原本已喝得興起,聽到一番美言更是趾高氣揚。

「但係...我見識過白馬將軍的趙璧之後,縱然係丁大人府上的寶物亦未必可比。」

「邊可能有尼件寶物,從未聽聞!」趙文十分驚訝。

「趙璧?都係華而不實,我偏房嘅望諸策你見識過就肯定唔會當咩趙璧係寶物」丁原怒氣沖沖的說道。

「飲杯先,之後再傾。」丁希拍一拍丁原肩膀。

隨後敬酒聲已不絕於耳。

眾人已舉杯不斷,卓上食物卻只動分毫,大堂虛的境色與我想像無異,作為東家的丁希丁邂,早已換上白色長衣招呼著端坐卓前的劉備張飛,丁原祼身豪飲,關羽.......


只見關羽竟喝得全身赤紅,依舊修長的美鬚,加上經已修葺得井井有條的亂髮,

關公啊!!!!!!

估唔到羅生寫啲嘢又假唔曬喎,但係勢估唔到關公成身紅竟然因為酒精敏感!哈哈......

不過為免被他們敬酒,我都盡量低調,靜悄悄的在末席用餐。


「酒都飲都咁上下啦,丁大人我哋幾時切磋一下武藝。」關公突然將話題急轉。

「隨時!」丁原說得簡快,顯然對此比武極有興趣

「兩位既然興致勃勃,咁就喺庭院中一較高低,大家萍水相逢,記著點到即止,免傷和氣。」趙文立刻站出來主持,免得雙方大開殺戒。

雖然大堂應為會客之用,但兩旁皆橫置豎列了不同種類的兵器,槍矛戈戟,好不齊全。

「就咁話!」丁原拿起橫置於他身旁大木架上的龍紋大刀。


關羽連一話都不說就拿起長槍就走出庭院。

「請!」關羽擺好架勢說道

「咁我就唔客氣啦!」丁原左手單手舉起大刀就劈向關羽。

關羽早已橫槍於額前,但大刀來勢極急,逼得關羽弓步力抗,險些跪下。

但關羽絕非泛泛之輩,右手一縮,槍身一斜,刀鋒隨即沒入泥地之中,眼見機不可失,便一槍直刺丁原。

關羽這刺極狠,根本全無點到即止之意。

此時只見丁原悠悠舉起巨掌,霎眼間,丁原已抓住長槍,

雖然關羽猛力刺向丁原,但長槍依然絲毫不動,猶如刺進了混凝土之中一般。

數秒中的紏纏過後,丁原終於奈不住無聊,左腳一踢,手腕一扭,大刀疾速斬向關羽,

關羽眼見就要身首異處,想要架槍格擋,但奈何長槍依然難逃丁原熊掌,關羽只好棄槍而逃

丁原把長槍隨手高上一拋,左手大刀再追斬

關羽跌坐而避,但抬頭一向,長槍竟已對準關羽頭頂

關羽已無從躲避,只好閉上雙眼,等待變成人肉串燒

但長槍並沒有如願直穿關羽身體,這全因丁原早已把槍柄給抓緊

「有趣,有趣,關兄弟你係第一個可以接到我三招嘅人,仲要有咁精彩嘅反擊,好耐無試過打得咁痛快啦!」丁原笑道。

「丁大人...令我知道咩叫...力拔山兮...氣慨世,關羽我...甘拜下風。」關羽還沒喘過氣來。

「哈哈哈哈!言重啦,關兄弟來日方長,就畀老夫我再威風多陣啦,不過我哋仲有嘢可以比嘅...」

「呢樣就刻不容緩啦,李兄弟你都一齊嚟!」

「我...」

「我咩,一齊嚟啦!」

我想講我死梗啦!


「乾!為咗我哋平水相逢嘅朋友!」




「乾!為咗我哋晉陽豐衣足食!」



「乾!為咗我個寶貝女...」


「乾...為咗我...哋有...」


「乾..........」


我哋由朝飲到晚...唔係...嚴格嚟講係佢哋由朝飲到晚,呢啲係我依稀記得嘅對話!

喺丁原盛情之下,我都唔知到左夜晚未我就陣亡咗啦!










「啊!!!」我被一聲的尖叫聲吵醒