【穿越】【三國】 流離者(不定期更新): 14
「呂布。」趙文力竭聲嘶的呼喊着,這個名字在大庭中迴響。
……………………….
喂!又嚟,我慣㗎啦,呢鑊嘢我點都唔會驚訝㗎啦,嚟啦嘛!
就奇呀!痴L線又彈個呂布出黎,仲有邊個匿埋咗呀,一次過出曬嚟啦喂!
意料之外的事情接踵而來,我大腦又短路了,但在場應該只有我會因為丁希真名而感到震驚,包括劉關張,他們全然不知道丁希他日會成為虎牢關前的攔路虎。
等等先......
喂,說好的劉關張呢,佢地死曬去邊,唔通一早知唔對路就走咗?
咁都唔同我單聲?
咁冇人性嘅,我唔係應該好似電視劇咁成為默默支撐劉氏勢力嘅功臣咩......
不知道是不是日子有功,我情緒平伏速度比之前快了很多,細想一下,我由第一次遇到劉關張,我早已知道他們老謀深算,對我跟本沒半點信任,離開他們說不定是更好的選擇,現時應該關心的是自己的性命。
在我細想出路的同時,在旁的趙文唯恐呂布一念之間就隨手斬殺那曾經的妹妹,瞬速抱走失控的丁雲玉。
落下的就只有我和在暗角裡顫抖的小南。
「李大哥......」
縱使聽到小南的說話,我亦顧不上那麽多,轉頭拔腿就走
呂布就連丁原亦敢輕易刺殺,更大無施樣的向正面走去,難保就連晉陽城的兵卒都盡聽其指揮,一聲令下,殺人滅口,令我們不能說出弒父的真相。
話唔定轉個頭就有隊兵殺入嚟,我番去就兩個人死,咁係最唔明智嘅選擇,小南會明白的,佢咁好,佢會體諒我嘅.......
「話...!即係喺二千年後就連我都可以好似雀仔咁飛上天?」
「ur...都可以咁講嘅...」
「犀利啊......但係可惜我都冇可能試到......」
「咁又未必嘅,既然我番到過去,你都有可能去到未來。」
「真係嘅?真係可以?」
「我認為得!如果我搵到番去個方法,一定帶埋你一齊番!」
「真係......好多謝你......」
想不到一句信口雌黃說得話換來的卻是一句真誠的答謝。
「屌!死就死啦!」
此時我的良心在與恐懼的角力中獲勝,但恐懼不甘落敗,加速漫延至全身,使我就如在暴風雪中行走般沉重。
但無論再恐懼,我都不能丟低小南,唯獨小南不可以。
因為我要履行我的一個承諾。
或許只是我不想再孤身一人。
………………………………………………………….
大堂中依舊的肅殺,丁原與丁邂依舊默默的沉睡,小南依舊瑟縮一角。
看到此情此境,依舊悲傷,但至少她平安無事。
「小南。」我步向小南,輕輕拍了一下她的肩膀。
蹲坐一角的小南,衣服間滲出少量血漬,顯然受了傷。
「少爺我咩都見唔到......唔好殺我......求下你.....」小南不敢回頭,緊抱雙膝顫抖的求饒。
「唔洗驚......係我呀,我......我唔會比人傷害到你!」
此時我只想著如何安慰小南,絲毫沒意識到自己說的話是多麼不自量力。
「係......李大哥?」小南從兩臂之間探頭偷望了我一眼。
當她確認了我的身份後,二話不說就撲進我的懷裡。
她抱得我很緊,很緊
我確實的感受到她的體溫,觸碰到她的肌膚。
這應該算是我第一次與女生擁抱,
我冇一絲邪念(講堅!),只係想好好保護哩個受驚嘅小女孩。
「冇事啦!...唔洗驚㗎啦。」話還未說完,小南已經放聲大哭。
「真......係...嘅?」哭了一會,小南邊抹乾眼淚邊說。
「係......不過要走㗎啦。」
「走?李大哥你唔好揼底我呀,我...我已經......唔知可以去邊...」說罷小南又哭起上來。
「唔會...我唔會再揼底你!」此時小南抱得更緊,哭聲亦更甚。
「思思又考第一喎!點解你又考第尾嘅,你地係咪親兄妹嚟架,不過唔緊要啦,你媽咪有思思就夠㗎啦!」
「各位同學,睇吓佢,佢又科科個位數,我都懷疑我哋學校係咪收錯咗特殊學校啲學生。」
「唔好近佢咁多呀,弱智會傳染㗎!」
腦海中閃過零零碎碎的聲音。
兩行淚痕突然劃過我的臉頰。
原來被人所需著的感覺是這樣的。
哭累了的小南早已熟睡在我的懷裡,
我只好把她抱起,試著走出那宏偉卻荒蕪的「巔峰之城」。
走着走着便來到「常夕之林」的出口處,正當我苦惱如何走出這個迷宮時,我看出口處的雜草盡被壓平。
我放下小南,以手機電洞照明,看到一整路的草都被壓平了。
我亦顧不上為什麼,就抱起小南靠着機的燈光前進。
壓平的雜草就如遊戲中的路線輔助,迷宮般的道路頓時變得清晰,加上在分岔口處往往有明顯的劃痕記號。
靠着各種幸運,我順利的走出「常夕之林」。
汗流浹背的沐浴在日光之下,並不是什麼樂事,但脫離那迷宮的快感使我不由自主的享受了一番。
一雙水汪汪的大眼睛凝視著我,被我發現後又快速別過了臉。
此時我才頓覺自把自為的抱起女生是多麽無禮的舉動。
「對唔住呀!我都唔想,我逼於無耐先抱你走㗎炸!」我連忙放下小南。
「唔緊要......」小南羞澀的回答道。
「係喎!我都未知你全名叫咩?」我連忙轉換話題。
「我哋下人係唔需要姓,但我仲依稀記得我阿爹叫翟元。」
「即係你姓翟,叫翟南...哈哈哈哈!...唔好意思,我唔係...笑你,只係諗起未來嘅嘢啫。」我強忍笑意解釋道。
「係喎!我都未正式自我介紹,其實我唔係叫李昆明,我真名叫方滯憂。」
「方滯憂?李大哥...唔係...方大哥你個名好特別啊...但係我哋之後點算好?」小南凝視著我,正期待著我的回覆。
「我都唔知......」