【穿越】【三國】 流離者(不定期更新): 15

「憂哥哥,你睇下我今日採到好多野果啊!」小南興奮的說道。

「係喎!真係好多喎,不過我都唔會令你失望嘅...睇下!」我揭開麻布,一隻毫無生氣的馴鹿躺在我倆面前。

「哇!好嘢,憂哥哥終於捉到鹿啦!」小南興奮得手舞足蹈。

係呀,係終於呀,係幾個月終於捉到呀,仲要係尾刀翻嚟呀,話咁易咩,我淨係睇過幾集荒野中的男人,鬼識咩?

唔係死好命見隻鹿斷左腳,又有佢哋留低個啲武器,我連隻兔仔都捉唔到呀！





不過如果唔係小南成日跟個個刁蠻公主通山跑,知咩野果野菇食得,又知有呢個秘密基地,我諗我一早餓死左啦。

「咁我去整鹿肉湯,憂哥哥去沖涼先!」

「陣間先,我去喂下墨犬。」

「好呀,如果佢肯食就好啦...」小南有點失落的道。







據小南所述,墨犬正是丁邂的愛駒,從小就陪伴在側,形影不離,別的馬都在馬廐,唯獨墨犬居於庭園,緊隨其出入的,但不知怎的,兩周前突然出現在這小屋旁。

我緩緩靠近像木頭般站在小屋旁的黑色瘦馬,就算我走到與牠觸手可及的距離,牠依舊沒有看我一眼。

我把放滿野果嫩草的飼料盤放在黑馬跟前,再往飼料盤指一下,示意這是給牠的飼料,雖然我就在牠眼前,但牠依舊沒有注視到我。

雖然我每天都這樣做,但牠依舊繼續的「等」。

而我又坐在牠的身旁,陪牠眺望那夕陽,但牠所「等」的顯然不是日落。





我一直躺在一旁,不知不覺已日落天昏。


「你唔會再番黎尼道,係永遠唔會...」我耐不住寂靜的說道。

一直默不作聲的墨犬突然向我怒吼。

彷彿聽懂我的說話。

我輕撫著墨犬。

「有人話死人會上天堂落地獄,又有人話死後會輪迴轉世。」

「究竟邊樣先真,根本冇人可以證實到,而我地唯一可以知道既,就只有佢哋永遠會留係尼度。」我拍一拍我的左胸。





「所以你要好好生活落去,佢先可以一直留係你尼度。」我再拍一拍墨犬的前胸。

牠慢慢冷靜下來。

牠早就明白,只是不想相信,來到這充滿回憶的地方守候罷了。

等等!

痴孖根!我做咩同隻馬講經呀,我肯定對得人太少,癲撚左,死啦,遲d我會唔會同花草樹木談心,仆街啦尼鑊嘢。

遲來的尷尬感襲來,弄得我面紅耳赤。

紅條毛咩!面紅都要淨係可以diy!









翠日,我步出小屋,卻看不到墨犬的踪影,但盤上的野果嫩草亦隨之消失。

「小南!墨犬走咗啦。」我高聲喚道。

小南帶著一頭亂髮連忙跑了出來。

「走咗?走左去邊啊?佢一直唔食嘢會唔會有事㗎?」小南焦急的問道。

「你信我啦,冇事嘅。」我安撫小南道。

「真係嘅?」小南承著兩眶淚水望著我。





「一定」我意志堅定的說。






















「憂哥哥,你睇下今日我採到好多野果呀!」

「係喎!真係好多喎,不過我都唔會令你失望嘅...你睇下。」我邊揭開麻布邊說。

「我捉到隻鹿脾......」我慢慢收起那自信的嗓音。

「唔緊要啦!鹿脾煲湯都可以食幾日,而且我地仲有野果嗎,聽日再努力啦!」小南安慰我說道。

「小南你知唔知咩係天使?」

「咩黎㗎?」

「你囉。」



「躂躂躂......」零星的馬蹄聲打斷了這日常的對話。