【穿越】【三國】 流離者(不定期更新): 20

事態嚴重,我輕拍墨犬兩下,牠除即跋足狂奔,使得我倆差點從馬背上墮下。

墨犬依舊飛快,又跑了好一會。

我回頭一看,原本一起縱馬前走的曹操二人,已在數百步之外。

我輕輕抓一下墨犬脖子上的鬃毛,牠亦和心靈相通似的慢了下來。

他們花了好一番功夫,終於追了上來。





「你嗰匹究竟係咩馬,我哋座下兩匹西涼快馬竟然追得咁辛苦?」典韋顯然十分驚訝。

墨犬叻仔,總算為我爭翻口氣,不過佢地又亂世奸雄又剩,我都係唔好話佢知墨犬身世,廢事節外生枝。

「哦...係我係機緣巧合嘅情況馴服咗佢...」話還未說完,墨犬便一陣鼓譟。

「唔係...其實係我一個死咗朋友嘅愛駒嚟。」墨犬這才停止那鼓動。

你個衰仔比我威下會死咩。





「睇小兄弟座下神駒同腰間寶劍亦並非泛泛之輩。」曹操銳利得眼猶如能看串一切。

死啦!佢原來一早發覺,唔通佢留我哋一命就係我哋達官貴人?睇黎今次我唔扮唔得...

「但係萍水相逢,咩身世又有咩所謂,!」如此身驅卻掩不著那四溢的氣概。

又走了良久。

「究竟我哋要去邊?」耐不住不安與沉默的小南柔聲問道。





「我哋要去中原投靠袁紹。」曹操答道。

「但係尼邊唔係去中原㗎喎!」小南這個疑問,使我重新記起我們其實是伴虎之羊,立馬示意墨犬,與他們保持距離。

「小姑娘相當聰明,尼邊的確唔係直通中原既大路,我哋先要同我嘅軍師會合。」曹操談及此處嘴角上揚,顯然心花怒放。


接下來我們都不敢怠慢,一整天都馬不停蹄,至夜幕低垂之時才找了個幽暗處休息。

我們圍着柔柔的營火吃着乾糧。

「我仲未正式向你哋道過謝,多謝你哋救翻我一命,日後我定會向你哋報答。」曹操拱手躬身。

「唔洗啦曹生!只要我哋平安落到中原典生唔好又喊打喊殺就好啦!」我急忙謝絕。





畢竟經過丁原被殺一事,我唔會再諗咩穿越小說劇情,我只係想好好保護小南。

曹操聽完後向典韋一矋。

「係啦係啦!你話曬都係阿瞞嘅救命恩人...最多未教你劍當補償!」典韋好不情願的說。

我滿臉猜疑的看着他們。

「今次真係教你劍,假嘅我不得好死,死無全屍,咁得未!」典韋雖然顯得不耐煩,但卻比之前來得真誠。

雖然典韋堅係信唔過,但係我唔學少少嘢旁身真係隨時死咗都唔知咩事,更何況佢要殺我哋都走唔甩㗎啦。

「咁好!咁幾時開始?」

「緊係而家,朝早仲要趕路!」











「記唔記得之前我教過你身為劍客嘅兩樣必備條件,其實仲有一樣最緊要嘅!」典韋突然一改那輕挑口吻。

「係咩」我焦急我問道。

「係瀟灑呀!」典韋一本正經的說道。

「你睇下你企到成隻野猴咁,標準嘅沐猴而冠咁,點教得你呀!」典韋又換回那討人厭的嘴臉。





我只好無奈的站好。

「咁都似翻個人先,第三樣係體魄,好似你咁哩,教咩比你都發揮唔到。」

「先扎半個時辰馬先!」

半個時辰?咁未即係成個鐘,光曬頭個個做100下深蹲都無曬敵啦,我要扎成個鐘?

「半個時辰?邊道扎倒呀!」我驚訝的說道。

「又話要保護人又咩咁,得個講字咋?」

縱有滿腹怒火,我亦做了起來。






。。。


話時話你哋有冇一個疑惑,d古人又冇手機又冇錶,究竟係點計時

重點係

仲有幾耐呀!!!

「夠鐘未呀!我做左好耐啦!究竟你點計時㗎!」我雙腳不停的顫抖。

「我諗仲有一刻啩。」典韋摸摸下巴說。

我諗?最後竟然係靠估?

最終我亦耐不住疲倦跌倒。

之後典韋不理會連站都站不穩的我,又是揮劍,又是爬樹,把我折騰了整個晚上,睡不了多少又要起程。

接下連日典韋都不斷折騰我,還折騰得越來越厲害,其間亦不忘指導我的姿勢步伐。

不知過了多少個晝夜。

又是一晚的折騰之後,早上我又沒精打彩的坐在墨犬上打瞌睡。

墨犬果然十分機靈,懂得與其餘兩匹並排而走,我根本不用控制。(咁先係真正自動導航!)

「係郭軍師呀!」曹操興奮的說道。

曹操往日那嚴肅的聲線頓時消失,換來與其外所相襯的稚氣聲線。

我張開眼看清,正有數騎在面前。

與那數騎越漸靠近,其身影就越漸清晰。

其中有一人身形由其瘦弱。

那人的外貌似陳相識...