那瘦弱的身影相較在旁魁梧的數人,自然鶴立雞群,加上一張十分俊俏的面孔就更顯得出類拔萃。

而他的面容似曾相識,與其說是俊俏,倒不如說是美麗......

妖!啲古人又真係當人傻㗎喎,著套男裝就扮倒呀,係人都知係女啦!

越近就越覺得熟口面,

究竟係邊個呢?





呀!

「郭老師?」我如夢似醒的大叫了一下。

「你識得郭軍師?」曹操一臉疑惑的問道。

「唔係...認錯人啫...」

仔細一想,雖然十分相似,但郭老師比她多了一份成熟的韻味,更多了一份滄桑。





更何況睇找秦錄都有個同樣女主角,其實好平常者。

「小瞞,你平安無事就好啦!」少女語氣開朗的說道。

「你根本唔洗親自嚟接應,咁好危險㗎。」縱然語氣稍重,仍絲毫掩蓋不了那心花怒放的面容。

「咁我擔心你哋吖嗎!」少女回應到。

「不過我哋畀人誣害竟然都比你算到,郭嘉果然唔係浪得虛名!」典韋向少女說。





「當然!」郭嘉得意洋洋的說。

「樂進!招兵一事如何?」曹操又變回一臉嚴肅。

「屬下已經募集鄉勇五千,曹大人正率領往許城會合。」郭嘉身旁一個身材碩大的人應道。

「好!但係......」曹操欲言又止。

「我哋雖然只係被黃允誣告,但係董太師生性多疑唔會信,區區五千鄉勇,對於董軍無疑只係螳臂擋車,我哋無得揀!」典韋說。

曹操默不作聲,顯然完全無法反駁。

「啊!小瞞你身後嗰個係邊個嚟?」郭嘉打破了這遍肅靜。

「佢哋係喺中途救過我哋嘅恩人,如果唔係佢哋我哋都翻唔到嚟,佢叫......都未問恩人高姓大名?」曹操一臉疑惑的看著我。





「方滯憂!小南!」我簡潔的回覆他們。

「阿憂,小南,多謝你哋!」郭嘉二話不說就把我們擁入懷中,弄得我們不知所措。

你都open得濟掛,雖然你係郭嘉......又真係有重要人物係女嚟㗎喎,咁都開口中,六合彩又唔見我中。

「你會同我哋一齊去中原㗎可!」郭嘉用撒嬌的聲線說著,根本是不可抗力。

「哩個女人好煩㗎,我都無佢辦法,橫掂我應承咗教你劍,你又番唔到去,未一齊去咗中原先囉!」典韋在耳邊細說

「哦...都得嘅...」我低頭細說。

「好嘢!」郭嘉稚氣十足的跳了起來。





「但係你哋去中原想做咩?唔係搵五千人去打董卓呀?係就唔好預我啦。」雖然答應了,但經過連日被追擊,已弄得我們寤寢食難安,我亦不想令小南再冒風險。

「雖然都係打,不過我哋會加入袁紹嘅盟軍。」典韋說。

「咁未又係要打,太危險。」此時的才想起反董卓聯軍的那一段歷史。

「論危險,大漢積弱,奸臣亂政,以致餓殍遍野,賊寇四起,各地諸侯更是割地為王,亂起干戈,究竟邊道會安全。」曹操面容充斥着憂傷。

話!竟然到而家咁嘅情況先終於聽到古裝片對白。

「未係囉!袁紹聯軍應該係最安全㗎啦,更何況你哋同小瞞一齊逃走,可能可能已經畀董軍盯上咗你啦!你都無處藏身。」郭嘉撇開那開朗的面容,以陰森的表情說道。

「但係加入袁紹聯軍同董太師為敵真係好?......」曹操面有難色。

「唔洗考慮咁多啦,入反董卓聯合軍係無辦法改變㗎啦。」郭嘉拍一拍曹操的肩膊說。





「小南?」我望向小南。

「憂哥哥去邊我就去邊,加上郭姐姐又好好人。」小南回應。

「不過我哋睇嚟冇得唔應承。」

就這樣我們踏上了去中原的路。











「馬步雖然都未夠穩,但係似乎有啲成果。」典韋一腳踢在我的大腿上,我雖然雙腿顫抖,但堅持著不倒下。

「你揮刀都悶曬啦,過嚟比啲嘢你劈!」他指一指一棵小樹。

「下!真係要刀仔鋸大樹呀!」

「唔係鋸,係斬,仲要斬同一個位,而當我再打你嘅時候你要用劍擋。」典韋邊用木棒敲著我的頭邊說。

「痛痛痛痛痛!咁要劈到幾時呀!」

「如果係戰場你已經死咗幾十次!要打贏人最緊要係唔好比人斬死先!未斬低棵樹唔準停!」


先不說斬在同一個位置有多難,就連斬入樹桿亦十分困難,根本無瑕顧及典韋的棒擊,結果就被打到遍體鱗傷。

途中典韋依舊要我不停操練,每天都弄得我體無完膚,不過我亦不會半句有怨言,因為我要擁有保護小南的力量。

我一直專注於密集的訓練當中,不知過了多少個晝夜,我們將近到了會合地點。

我又如常在馬上打瞌睡,矇矓中聽到曹操與一人的對話。

「瞞哥!」

「阿純,我哋離集合地點應該仲有幾里路程,你點解係到?」

「我見時間充裕未過嚟截擊你哋!」

「時間充裕?你帶住五千人應該比我哋仲需要多三日時間先啱!」

「瞞哥又睇小我,我曹子和點會咁慢吞吞。」

「佢係?」

「曾經救過嘅方滯憂兄弟!」

聽到我的名字,我立刻睜大雙眼。

這情境簡直令我驚訝,

我們竟然置身於人海之中。

而我最驚訝的是,

沐浴在這片人海之中,竟然寧靜得我能夠繼續打瞌睡。

他們不但默不作聲,就連走路都井井有條。

這是一隊何等有紀律的部隊。

又話係鄉勇,點解會有紀律成咁㗎,話明自己有紀律個啲部隊就咁撚唔守紀律,果然名係不乎實嘅。

「我哋到啦!」郭嘉一貫開朗的高呼。

在不遠處,有個十分龐大,以木欄圍起的營地。

唉!之後又唔知會遇到咩啦!
已有 0 人追稿