【穿越】【三國】 流離者(不定期更新): 23

長劍在我耳邊擦過,僅有毫釐之差,我立即一個矮身躲避。

驚魂未定,又一把短劍在我頭頂劃個,要是我稍為慢個半秒,就真的肝腸寸斷。

幸好,經過連日被典韋鍛練,躲避已變成自然反應。

我緊貼著營邊伏下,掩口閉聲,生怕被他們發現。

「鷲,有人?」





「冇,我好似聽到啲聲,或者聽錯。」

「不過此地宜久留,只怕隔牆有耳,總之你動員整個櫻木都要搵到望諸策嘅下落。」

「遵命!」

一聲爽快的應答後,其中三人就一溜煙的走出軍營。

櫻木?望諸策?咩嚟㗎?聽落似係有咋人要搵樣嘢咁!





剩下的一人亦緩緩走出空帳,昂首闊步的走回燈火通明的軍營。

那人慢慢沐浴於燈火之中,一身華麗我盔甲浮現眼前,還有那奪目的披風亦緊隨其後。

袁紹?????

我不爭氣的臉容再次被嚇得瞠目咋舌。

即係袁紹想殺劉備定點呀?媽呀!我好亂呀!





縱使我大感錯愕,但仍不敢亂動半分,亂發半聲。

等他慢慢遠離視線,我才敢爬起來,靜悄悄的走回自己帳中。

縱然躺在床上,我亦毫無半點睡意,一方面是害怕偷聽的事被袁紹得知,另一方面是對話內容弄得我一頭霧水。

「阿憂!起身!」一把洪亮的聲音傳來。

「咁早就想訓?你練咗劍未呀?」

不出所料,正是典韋。

亦不出所料,又被典韋一番折騰,不過這一番苦練卻又令我煩惱盡消。

「教你咁耐終於似啲樣!」典韋依舊擺出一副不屑的樣子,但顯然今次有點滿意。





「咁係咪可以教我劍法啦!」我十分興奮的說。

「咩劍法呀!」

「嗰啲舞一舞幾廿件累低嗰啲呀!」我一番手舞足蹈。

「你係咪弱智㗎!話明一人敵呀!有啲咁嘅嘢我哋唔洗招兵買馬啦!」典韋用木劍拍一下我的頭。

「痛...痛....咁一招半式都有啩......」我失落的道。

「招式就有,見你咁好學,就教你三招基本嘢。」

我頓時精神抖擻,聚精會神的看著。





「刺!斬!割!」典韋邊說邊對著木頭示範。

雖然動作乾脆有力,但比我想像平凡都太多了,我不經意又露出了失望的表情。

「係咪覺得好平凡?武藝就係咁,樸素但係反覆練習就會百戰不殆,講開每樣同我練一百次。」典韋少有一本正經的說教。

「仲練.......好...好...練未練囉!」看到那凌厲的眼神只好乖乖練習。

「刺要不偏不倚,呢下唔計!」典韋在旁嚴格的指導,相較之前的劈樹練習更來得吹毛求疵。

不知不覺就練到了天亮。

「想攰死人咩!」全身累得不能動彈的我躺在草地上,只有嘴巴依舊活躍。

「仲咁多嘢講,即係唔攰啦,好,繼續!」聽到我的冤言後典韋又一個勁地的折騰我。





艱辛的鍛練終於完結

「唉~~終於可以瞓啦......」躺在草地上說。

「瞓咩,今朝公孫贊嚟加盟,各諸侯禮儀上要去迎接。」

「好!咁你哋慢慢!」

「係我哋!」

典韋不顧我精疲力竭,把我拖至營門。

曹操一行人以及各路諸侯早已在此恭候。





正午時份,烈日在山丘上盤踞已久,蠢蠢欲動。

烈日終於耐不住寂寞,緩緩下山,看似迫不及待要下來懲罰那可惡的暴君。

不出一會,整片山頭都變得白皚皚,猶如烈日底下的雪山。

顯然上天不會那麼仁慈,這熾熱的雪崩只是由一群身穿白色鎧甲,坐在雪白戰馬上的騎士所組成。



「試下再型啲!」

「呢個係白馬將軍公孫瓚旗下精兵白馬義從。」

大軍逐步迫近,鎧甲反射的陽光使得我淨不開眼睛。

直至大軍抵達大營我才看得清帶頭的將軍,他全身一副刻有花紋的白色戰甲,顯然就是典韋口中的白馬將軍公孫瓚。

公孫瓚喎!以三國冇兩都冇樣個d畸呢啡喎,型到咁嘅!

而側面側伴有三個格格不入的怪人,帶頭那個耳珠碩大,容貌慈祥,恰如一尊活佛,而他那其長手臂,長得與身體不成比例.....

。。。。。。。。。

呢位人仁兄好熟口面喎.......

依喂,又係你呀劉生!