【穿越】【三國】 流離者(不定期更新): 22

那巨型的營地宏大門盡是綾羅綢緞的裝飾,木欄以大圓木簡單築成,明顯是華而不實,亦無加建的防禦措施。

「孟德,我引頸期盼已久,你終於蒞臨啦!」一個錦衣華服,背披披風,身形微胖的中年人帶領著同樣身穿華麗鎧甲的衛兵前來迎接。

「本初兄,別來無恙嗎?」曹操回應。

「當今天下奸臣當道,民不聊生,咁嘅日子又點會好過。」中年人振振有辭的說。

「點及得你我兒時作伴,遊山玩水嚟得開心。」中年人接著說。





咪著先,咁你未同呀曹生差唔多大?

你扮,你再扮,點睇你都做得佢老豆啦下話。

「的確,往日年少輕狂,無憂無慮。」曹操又一番感嘆。

你個死o靚仔又扮老積呀,媽呀!我好亂呀!

「之後我哋再把酒言昔,我帶你哋見下各路諸侯。」隨後袁紹便帶領我們一行人入營內。





扮曬蟹又招呼曬客人咁,佢一定係袁紹啦,大家醒目仔嚟,唔下下都介紹咁多啦,攰呀!

沿途歌樂聲不絕,酒香味連綿,眾人皆沉醉於一片歡樂之中。

到處都是形形色色的士兵,應該都自不同軍閥的旗下,但他們都相處得樂也融融。

與嚴肅的曹軍與之相比,顯然格格不入,頓成了異類。

曹純隨袁紹陪將安頓曹軍,而我們倒伴隨曹操一同到同盟軍將營。





甫一到埗,各路諸侯爭相前來寒暄一番。

「佢就我之前同你各位提及嘅英雄,曹操!」

「曹大人之早就如雷貫耳!」

「曹大人神勇,竟敢行刺董賊,果真當今英雄,在下久仰大名!」

「有曹大人前來相助,董賊項上人頭擺唔耐啦!哈哈哈哈!」

一輪阿諛奉承之後,就是一片笑聲。

曹操始終未發一聲。

雖然浸淫在讚揚之中,曹操卻給人一種有口難辯的感覺。





「可悲!」曹操低聲細說了一聲,應該只得在旁的人才聽得見。

不知說的究竟是在場的諸侯,還是與之為伍的自己?

說完以後轉身便走。

「失禮啦各位,曹大人被追擊時受傷,都要休息一下,告辭啦!」典韋急忙替曹操打圓場。

「下!小瞞受咗傷咩?」郭嘉急忙上前追問。

我和小南亦隨之回曹營。

沒多久,袁紹就派人替我們打點,我和小南被分到一個較小的營帳,營中小枱早已放好菜餚。





估唔到兵營裡面都好食好住,有肉有飯,亦有床鋪,咁打仗法又幾爽。

不過小南自從入營後就戰戰兢兢,一步都不敢離開我,應該是被那裡的士兵嚇到吧。

及後,我好好把小南安置在床上休息。

由於典韋忙於軍務,亦無暇折騰我,我亦把握時間睡個好覺。

唔洗問!我就梗瞓地下啦。











我突然驚醒,發現

我竟然急夜尿...

咁後生就要屙夜尿,唔會虧咗啩,我未用㗎喎,

唔得我唔屙得!

冇得唔虧呀,忍唔到!

我連忙衝了出營四處尋找茅廁,苦苦找尋,卻一無所獲。

搵個茅廁都咁難,都唔係話要搵廁所㗎啦。





走著走著就走到營地盡頭處一個烏燈黑火的軍營,應該是為那些未到的諸侯所設。

真係好急,冇計用個最原始嘅方法。

我走到軍營隱蔽處解決。

在我暢快如廁之時,隱約聽到的營中傳來輕聲的交談聲。

礙於人類無聊的好奇心,我在營帳中的破孔偷看。

但由於營中無半點燈光,我只能隱約看到四個人影。

「大人,最後嘅劉氏遺脈劉備我哋都清除咗!」

「肯定全部清除?」

「係!」

「咁望諸策呢?」

「有負大人所望,一無所獲!」

「咁都冇辦法,望諸策係傳說中嘅古藉,都冇咁易搵到,你哋要盡量打探!」

「遵命!」

??????

等等先,劉備被刺殺?劉皇叔喎,之後整咗個蜀國嗰個喎,點可能被人殺咗,咁之後啲歷史點去呀?

正當我陷入沉思之中,一把長劍從營帳中刺出,恰好落在的耳根旁。